18.08.2026 | 19:29
Երևանում, Արարատյան դաշտում ու 3 մարզում սպասվում է բարձր կարգի հրդեհավտանգ իրավիճակ
«Նախատեսում ենք շարունակել ոչ պաշտոնական շփումները Ղարաբաղի հայերի ներկայացուցիչների հետ»․ Ալիև
Քաղաքականություն
07.10.2022 | 12:14
Ադրբեջանի նախագահ Իլհամ Ալիևը Պրահայում ՀՀ վարչապետ Նիկոլ Փաշինյանի, Ֆրանսիայի նախագահ Էմանուել Մակրոնի ԵԽ նախագահ Շառլ Միշելի հետ քառակողմ հանդիպման առաջին փուլից հետո ադրբեջանական լրատվամիջոցների հետ զրույցում խոստովանել է պաշտոնական Ստեփանակերտի հետ անմիջական շփման փաստը։ Ալիևը, որը նախկինում լռում էր շփումների առկայության մասին, այժմ հաստատել է՝ նշելով, թե շփումները «ոչ պաշտոնական են»։
«Մենք նախատեսում ենք շարունակել ոչ պաշտոնական շփումները Ղարաբաղի հայերի ներկայացուցիչների հետ։ Պետք է ասեմ, որ նման շփումներ արդեն գնում են որոշակի ժամանակ։ Եվ ես կարծում եմ, որ դրանք բնակչության մոտ կձևավորրեն ըմբռնում, որ ադրբեջանական հասարակությանն ինտեգրվելուց բացի այլ տարբերակ չկա։ Ովքեր գտնում են, որ պետք է ապրեն, որպես Ադրբեջանի քաղաքացիներ, կարծում եմ չեն փոշմանի, իսկ եթե որևէ մեկն ինչ-որ պատճառով դա չի ուզում, ապա կարող է իր համար բնակության այլ վայր ընտրել»,-ասել է Ալիևը։
Ի դեպ, Ալիևը ևս մեկ անգամ կրկնել է ադրբեջանական թեզը, թե հնարավոր խաղաղության պայմանագրում Արցախի մասին խոսք լինել չի կարող, իսկ Արցախի հայերի հարցերը ՝ Ադրբեջանի «ներքին հարցն» է։
Էմմա Չոբանյան
