02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Էրդողանը հայտարարել է, որ հավատում է Հայաստանի հետ հարաբերությունների կարգավորմանը
Քաղաքականություն
06.10.2022 | 23:25
Թուրքիայի նախագահ Ռեջեփ Թայիփ Էրդողանը ՀՀ վարչապետ Նիկոլ Փաշինյանի հետ Պրահայում կայացած հանդիպումից հետո մամուլի ասուլիսում հայտարարել է, որ հավատում է Երևանի հետ հարաբերությունների կարգավորման հնարավորությանը։
«Հանդիպում ենք ունեցել նաև ՀՀ վարչապետ Փաշինյանի հետ։ Ես անկեղծորեն հավատում եմ, որ բարիդրացիական հարաբերությունների հիման վրա մենք կարող ենք հասնել մեր տարածաշրջանում լիարժեք կարգավորմանը»,-ասել է Էրդողանը՝ նշելով, որ Նիկոլ Փաշինյանի հետ հանդիպումն անցել է բարեկամական մթնոլորտում։
Էրդողանը հայտնել է, որ Հայաստանի ու Թուրքիայի երկխոսությունը շարունակվելու է հատուկ ներկայացուցիչների ու ԱԳՆ-ի հանդիպումներով։
«Հանդիպման ընթացքում որոշ պահանջներ են ներկայացվել։ Դրանց վերաբերյալ մենք հանձնարարել ենք և՛ մեր հատուկ ներկայացուցիչներին, և՛ մեր արտգործնախարարներին։ Մեր ԱԳ նախարարները կհանդիպեն միմյանց հետ, նույն կերպ կհանդիպեն մեր հատուկ ներկայացուցիչները։ Դրանից հետո մենք մեր քայլը կանենք ըստ արդյունքի»,-ասել է Թուրքիայի նախագահը։
Էմմա Չոբանյան
