03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Փաշինյանի ոչ պաշտոնական զրույցները Էրդողանի և Ալիևի հետ. Անդրեասյանը և Թումանյանցն ընտրվեցին. Լուրեր
06.10.2022 | 18:44
Վարչապետ Նիկոլ Փաշինյանն այսօր Պրահայում պաշտոնական հանդիպումներից առաջ ոչ ֆորմալ միջավայրում զրույցներ է ունեցել Թուրքիայի և Ադրբեջանի ղեկավարներ ՌԹ Էրդողանի և Իլհամ Ալիևի հետ։ Լուսանկարները տարածվել են տելեգրամյան ալիքներում։ Ավելի ուշ զրույցին միացել են նաև Ֆրանսիայի նախագահ Էմանուել Մակրոնը և ուրիշներ։ Այսօր ավելի ուշ սպասվում են Փաշինյանի պաշտոնական հանդիպումները Ադրբեջանի ղեկավարի, Ֆրանսիայի նախագահի և ԵԽ նախագահի հետ, դրանից հետո՝ մեկ այլ հանդիպում Թուրքիայի ղեկավարի հետ։
ՀՀ ՊՆ-ից հայտնել են, որ Ադրբեջանը, փորձելով ինչ-որ բացատրություն գտնել ողջ աշխարհով տարածված սարսափելի տեսանյութին, որտեղ ադրբեջանցի զինծառայողները գնդակահարում են զինաթափված հայ զինծառայողներին, երկրի գլխավոր դատախազության միջոցով այսօր մի անհեթեթություն է տարածել, ըստ որի՝ իբր «ադրբեջանական կողմին է փոխանցվել 6 ադրբեջանցի զինծառայողի մարմին, որոնց տանջամահ են արել այն հայ զինծառայողները, որոնք պատկերված են հիշյալ տեսանյութում։ Հայաստանի ՊՆ-ից հայտնում են, որ ադրբեջանցի զինծառայողների մարմիններ ադրբեջանական կողմին չեն փոխանցվել, իսկ Ադրբեջանի գլխավոր դատախազության տարածած հաղորդագրությունը կոչված է կոծկել Ադրբեջանի ԶՈՒ կողմից իրականացված պատերազմական հանցագործությունները։
Ազգային ժողովի այսօրվա արտահերթ նիստում արդարադատության նախկին նախարար Կարեն Ադրեասյանն ու նախկին փոխնախարար Երանուհի Թումանյանցը 67 կողմ, 0 դեմ ձայների հարաբերակցությամբ՝ ընտրվել են Բարձրագույն դատական խորհրդի անդամներ։ Նիստին և քվեարկությանը մասնակցել են միայն իշխանական ՔՊ խմբակցության պատգամավորները։
Այս ժամի լուրերը՝ տեսանյութում։
