16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Արթուր Ղազինյանը կասեցնում է քաղաքական իր գործունեությունն ու վերադառնում է մասնագիտական ոլորտ
Քաղաքականություն
06.10.2022 | 18:18
ԱԺ «Հայաստան» խմբակցության նախկին պատգամավոր Արթուր Ղազինյանը ֆեյսբուքյան գրառմամբ տեղեկացնում է, որ կասեցնում է քաղաքական իր գործունեությունը և վերադառնում է մասնագիտական ոլորտ։
«Իշխանության համար պայքար այլևս չկա. կա պետության համար պայքար, որ վաղը իշխանություն ունենանք:
Պետության համար պայքարին պետք է մասնակցենք բոլորս՝ յուրաքանչյուրս մեր մասնագիտության, զբաղմունքի ու կարողությունների շրջանակներում:
Հայաստանում ստեղծված իրավիճակը քաղաքական լուծում չունի. մենք կանգնած ենք գոյության վտանգի առջև:
Հետևաբար, հայտարարում եմ իմ քաղաքական գործունեությունը կասեցնելու և մասնագիտական-փորձագիտական ոլորտ վերադանալու որոշման մասին:
Այսուհետ կհանդիպենք մասնագիտական-պրոֆեսիոնալ հարթակներում և միասին կգտնենք մեր տունը՝ պետությունը պահելու և ամրացնելու ձևերն ու մեխանիզմները:
Աստված պահապան Հայոց պետությանը . . .»,- գրել է Ղազինյանը։
Հիշեցնենք, որ ընդդիմադիր քաղաքական գործիչը ս․թ․ ապրիլի 7-ին հայտնել էր պատգամավորական մանդատը վայր դնելու մասին։
