02.11.2026 | 15:31
ՌԴ-ն ավիառումբերով հարվածել է Իզյումին․ զոհ և վիրավորներ կան
Թուրքիան 2018 թվականից ի վեր առաջին անգամ Իսրայելում դեսպան է նշանակել
Քաղաքականություն
06.10.2022 | 21:11
Թուրքիան 2018 թվականից ի վեր առաջին անգամ Իսրայելում դեսպան է նշանակել, գրում է Անադոլու գործակալությունը։
Նշվում է, որ ԱԳ նախարար Մևլութ Չավուշօղլուն հայտարարել է օտարերկրյա դիվանագիտական ներկայացուցչությունների ղեկավարների նոր նշանակումների մասին։ Գործակալության դիվանագիտական աղբյուրները հայտնում են, որ մի շարք դիվանագետներ արդեն տեղեկացվել են նշանակումների մասին։
Թուրք դիվանագետ Շաքիր Օզքան Թորունլարը նշանակվել է Իսրայելում Թուրքիայի դեսպան։ Նա 2010-2014 թվականներին ղեկավարել է Երուսաղեմում Թուրքիայի գլխավոր հյուպատոսությունը, ինչպես նաև Նյու Դելիում Թուրքիայի դեսպանատունը (2017 թվականի հունվարից մինչև 2021 թվականի մայիսը)։
Հավելենք, որ Իսրայելը Թուրքիայում ևս նոր դեսպան է նշանակել։
Երկու երկրների հարաբերությունները խզվել էին 2018 թվականից։
Էմմա Չոբանյան
