18.08.2026 | 21:12
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Մոսկվան և Բաքուն օպերատիվ որոշումներ են կայացնում պատժամիջոցների համատեքստում․ Մոսկվայում հանդիպել են ՌԴ-ի և Ադրբեջանի վարչապետները
Քաղաքականություն
06.10.2022 | 18:26
Ռուսաստանին և Ադրբեջանին հաջողվում է օպերատիվ որոշումներ կայացնել Մոսկվայի դեմ պատժամիջոցների համատեքստում համագործակցության զարգացման վերաբերյալ, այդ միջոցառումներն արդյունք են տալիս, առաջին հերթին, առևտրատնտեսական համագործակցության ոլորտում։ Այս մասին հայտարարել է ՌԴ վարչապետ Միխայիլ Միշուստինը Մոսկվայում Կասպյան տնտեսական ֆորումում Ադրբեջանի վարրապետ Ալի Ասադովի հետ հանդիպմանը, գրում է ՏԱՍՍ-ը։
«Ռուսաստանի դեմ ոչ բարեկամական պետությունների կողմից անօրինական տնտեսական պատժամիջոցների համատեքստում կառավարության միջոցով օպերատիվ որոշումներ են կայացվում ռուս-ադրբեջանական համագործակցության հետագա զարգացման համար: Այդ միջոցներն արդեն տալիս են իրենց արդյունքները, առաջին հերթին, առևտրատնտեսական համագործակցության ոլորտում»,- ասել է Միշուստինը:
Նա նշել է, որ Ադրբեջանում ռուսական ներդրումները հասնում են 4,5 մլրդ դոլարի, իսկ ՌԴ-ում ադրբեջանական ներդրումները՝ մոտ 1,5 մլրդ դոլարի։ 2022 թվականի հունվար-օգոստոսին երկու երկրների միջև փոխադարձ առևտուրն աճել է 11,5%-ով և գերազանցել 2,2 մլրդ դոլարը։
Հավելենք, որ հոկտեմբերի 5-6-ն անցկացվում է Կասպյան երկրորդ համաժողովը։
Էմմա Չոբանյան
