20.11.2024 | 20:32
Աղձք բնակավայրի հարակից հատվածում իրականացվելու են պայթեցման աշխատանքներ
Զախարովան հայտարարել է, որ խաղաղություն հաստատելու Մոսկվայի համապարփակ առաջարկները փոխանցվել են Բաքվին և Երևանին
Քաղաքականություն
06.10.2022 | 18:09
Մոսկվան Բաքվին ու Երևանին է փոխանցել Հայաստանի և Ադրբեջանի միջև համապարփակ խաղաղության պայմանագրի կնքման համապարփակ առաջարկները։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«Մեր համապարփակ առաջարկները փոխանցվել են Բաքվին ու Երևանին: Ինչպես արդեն հայտնել ենք՝ հատուկ ներկայացուցիչ Իգոր Խովաևը մի շարք այցեր է կատարել տարածաշրջան՝ այդ հարցով խորհրդակցությունների համար»,- ասել է Զախարովան։
Միաժամանակ, Զախարովան անտեղի է համարել խաղաղության շուրջ բանակցությունների մանրամասները մեկնաբանելը՝ նշելով, որ Մոսկվան կենտրոնացած է արդյունքների վրա։
«Մենք չենք զբաղվում հատուկ գովազդային գործունեությամբ, որի տակ ոչինչ չկա, մենք գործում ենք հակառակ։ Մենք պատմում ենք այն մասին, ինչը հաջողվել է անել։ Հաշվի առնելով խաղաղության պայմանագրի թեմայի բարձր զգայունությունը՝ անտեղի ենք համարում մեկնաբանել ընթացող բանակցությունների մանրամասները։ Այնուամենայնիվ, մենք կենտրոնացած ենք արդյունքի վրա»,- ասել է նա։
Ըստ Զախարովայի՝ Հայաստանի և Ադրբեջանի միջև խաղաղության համաձայնագրի կնքման հարցում «արևմտյան մոտեցումներն այնքան էլ հավասարակշռված չեն»:
«Ինչ վերաբերում է Ադրբեջանի և Հայաստանի միջև խաղաղ համաձայնագրի արևմտյան մոտեցումներին, ապա, մեր կարծիքով, դրանք այնքան էլ հավասարակշռված չեն թվում և, անկեղծ ասած, չեմ էլ ուզում խոսել որոշ արևմտյան միջնորդների դերի մասին, քանի որ նրանց խաղաղության միջնորդներ անվանելն անհնար է»,- նշել է ՌԴ ԱԳՆ ներկայացուցիչը։
Էմմա Չոբանյան
