21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
ԵՄ-ն հաստատել է ՌԴ-ի դեմ պատժամիջոցների 8-րդ փաթեթը
Քաղաքականություն
06.10.2022 | 17:53
ԵՄ երկրներն ընդունել են Ռուսաստանի դեմ պատժամիջոցների 8-րդ փաթեթը, ներառյալ՝ երրորդ երկրներին նավթի վաճառքի գնային սահմանափակումները, գրում է BBC-ի ռուսական ծառայությունը։
«Այդ փաթեթը նոր արգելք է սահմանում 7 մլրդ եվրոյի ներմուծման ՌԴ-ի եկամուտների սահմանափակման համար, ինչպես նաև արտահանման սահմանափակում, որոնք կզրկեն Կրեմլի ռազմարդյունաբերական համալիրին է՛լ ավելի շատ առանցքային բաղադրիչներից ու տեխնոլոգիաներից, իսկ ռուսական տնտեսությանը՝ եվրոպական ծառայություններից ու փորձից»,- ասվում է Եվրահանձնաժողովի հայտարարության մեջ։
Պատժամիջոցներն ազդելու են դեպի արևմտյան տեխնոլոգիաներ, մասնավորապես՝ էլեկտրոնիկայի, ավիատեխնիկայի ու քիմիական նյութերի ներկրման վրա։ Դա գործնականում անհնարին կդարձնի ռուսական ռազմական արդյունաբերության արդյունավետ գործունեությունը։
Բրյուսելը նաև արգելել է ռուսական իշխանություններին կամ իրավաբանական անձանց տրամադրել այնպիսի ծառայություններ, ինչպիսիք են ՏՏ խորհրդակցությունները, ճարտարագիտական ու ինժեներական ծառայությունները։
Պատժամիջոցների նոր փաթեթում ներառված են նաև սահմանափակումներ մի շարք անձանց և կազմակերպությունների, այդ թվում՝ բարձրաստիճան պաշտոնյաների և ուկրաինական օկուպացված տարածքներում վերջին «հանրաքվեի» մեջ ներգրավված անձանց նկատմամբ։
Էմմա Չոբանյան
