Բաքվի հերթական քարոզչական շոուն․Ադրբեջանի գլխավոր դատախազը կեղծում է իրական փաստերը

Բաքվի քարոզչամեքնան ու պետական ապարատը շարունակում են ջանքեր են գործադրել  քողարկելու սեպտեմբերի 13-ին ՀՀ-ի դեմ իրականացված ագրեսիայի ժամանակ  հայ զինծառայողների նկատմամբ Ադրբեջանի ԶՈՒ-ի իրականացրած վայրագությունները։ Այսօր հերթական քարոզչական շոուն է կազմակերպել Ադրբեջանի գլխավոր դատախազությունը:

Մասնավորապես, այսօր ճեպազրույցում Ադրբեջանի գլխավոր դատախազ Քյամրան Ալիևը հայտարարել է, որ իբր  դատախազությունում  ստեղծվել է  առանձին քննչական  խումբ ադրբեջանցի զինծառայողների կողմից հայ գերիներին մահապատժի ենթարկելու տեսանյութի առնչությամբ։

«Մեզ մտահոգում է Ադրբեջանում մի շարք դեսպանությունների վարքագիծը, ինչպես նաև երկրներ։ Այստեղ կան երկակի ստանդարտներ։ Քանի որ ոք երբեք հարց չի տալիս , ինչու՞ հայկական կողմը  նման դեպքի մասին հետաքննություն չի կատարել։ Ադրբեջանը  միշտ ուսումնասիրել է նման տեսանյութերը  և 4 մարդու նկատմամբ քրեական գործեր են հարուցվել»-ասել է Ալիևը։

Նա նշել է, որ չնայած իբր հետաքննություն է կատարվում, այնուամենայնիվ, տեսանյութում կան կեղծիքներ, որոնք ի դեպ, տեսանկարահանել են հենց ադրբեջանցի զինծառայողները ՀՀ տարածքում։

«Տեսանյութը պարունակում է ոչ ճշգրիտ տարրեր։ Անհրաժեշտ է անցկացնել հետաքննություն։Հայաստանի տարածքում պատերազմի չի եղել, հայերի նկատմամբ հանցագործություններ չեն կատարվել, նրանց տարածքը չի ավերվել։ Պետք է պարզվի, ովքեր են նկարահանել կադրերը»,-ասել է Քյամրան Ալիևը՝ հերթական անգամ կեղծելով իրականությունը։

Սեպտեմբերի 13-ին Ադրբեջանի ԶՈՒ-ը 7 ուղղություններով հարձակվել են ՀՀ վրա, գնդակոծել հայկական խաղաղ բնակչությանն ու բնակավայրերը, ավերել քաղաքացիական ենթակառուցվածնքները, որի հետևանքով զոհվել են նաև խաղաղ բնակիչներ․ ապացույցները Երևան արդեն ներկայացրել է միջազգային կառույցներին ու ատյաններին։Իսկ ահա ադրբեջանական զինված ուժերի հանցագործությունները ՀՀ սուվերեն տարածքում նկարահանել ու տարածել հենց Ադրբեջանի բանակի զինծառայողները։

Ի դեպ, Քյամրան Ալիևը չի խոսել այն տեսանյութերի մասին, թե ինչպես Ադրբեջանի հատուկ նշանակության զորքերի զինծառայողները խոշտանգում են հայ կին զինծառայողներին։  Ադրբեջանի գլխավոր դատախազը նաև չի պարզաբանել, թե ինչպես է ստացվել, որ իր կողմից վերոնշյալ ադրբեջանցի զինծառայողները, որոնց նկատմամբ իբր քրեական գործեր են հարուցվել, վերջերս պարգևատրվել են նախագահ Իլհամ Ալիևի հետ։

Էմմա Չոբանյան