09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ-ում մոբիլիզացիայից խուսափելու փաստով առաջին քրեական գործն է հարուցվել
Քաղաքականություն
05.10.2022 | 20:15
ՌԴ Պենզայի շրջանի քննչական կոմիտեի Զարեչենսկի միջշրջանային քննչական վարչությունը քրեական գործ է հարուցել զինվորական ծառայությունից խուսափելու հոդվածով (ՌԴ Քրեական օրենսգիրք 328) 32-ամյա տղամարդու նկատմամբ, որը հրաժարվել է ստորագրել մոբիլիզացիայի ծանուցումը, գրում է Meduza-ն։
Միջազգային իրավապաշտպան «Ագորա» խմբի ղեկավար Պավել Չիկովը նշել է, որ սա մոբիլիզացիայից խուսափելու փաստով առաջին քրեական գործն է։ Իրավապաշտպանի խոսքով՝ կասկածյալը բերման է ենթարկվել ՕՄՕՆ-ի մասնակցությամբ։ Նա երկրորդ օրն է՝ գտնվում է ժամանակավոր մեկուսարանում։
Այսօր քննիչը կասկածյալի նկատմամբ պետք է խափանման միջոց կիրառի։ Իր հերթին, նրա փաստաբանն արդեն միջնորդություն է ներկայացրել քրեական հետապնդումը դադարեցնելու վերաբերյալ։
Հավելենք, որ ՌԴ-ում մասնակի մոբիլիզացիան հայտարարվել է սեպտեմբերի 21-ին։
Էմմա Չոբանյան
