05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Եվրախորհուրդը հետաձգել է Կոսովոյին իր շարքերն ընդունելու հարցով քննարկումը
Քաղաքականություն
05.10.2022 | 21:21
Պրիշտինայի՝ Եվրոպայի խորհրդին (ԵԽ) անդամակցության դիմումը կազմակերպության քննարկումների օրակարգում չի եղել, գրում է EADaily-ն։
«Հանդիպման արդյունքն այն է, որ ընթացակարգը սկսելու որոշում չի կայացվել, և մենք այս հարցին կանդրադառնանք հաջորդ հանդիպումներից մեկում», – ասել է ԵԽ-ում Սերբիայի առաքելության ղեկավար Ալեքսանդրա Ջուրովիչը։
Նա ընդգծել է, որ այս հարցի հետաձգումը սերբական դիվանագիտական ջանքերի արդյունք է։
«Եվրախորհրդում հասկանում են մեր դիրքորոշումը»,- հավելել է սերբ դիվանագետը։
Պրիշտինան Եվրախորհրդին անդամակցելու հայտ էր ներկայացրել մայիսի կեսերին։ Կոսովոյի Հանրապետությունն իր անկախությունը հռչակեց 2008 թվականի փետրվարի 17-ին։ Այսօր այն որպես ինքնիշխան պետություն չի ճանաչվում ՄԱԿ-ի 193 անդամ երկրներից 95-ի կողմից, այդ թվում՝ ՄԱԿ-ի Անվտանգության խորհրդի մշտական ներկայացուցիչներ Ռուսաստանի և Չինաստանի, ինչպես նաև ԵՄ անդամ հինգ երկրների կողմից։
Տաթև Ֆռանգյան
