09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Չինաստանի ՌԾՈՒ ավելի քան 30 ռազմական ինքնաթիռներ և 4 ռազմանավեր մոտեցել են Թայվանին
Քաղաքականություն
05.10.2022 | 17:39
Թայվանի Պաշտպանության նախարարությունը չորեքշաբթի կղզու ջրային և օդային տարածքում գրանցել է Չինաստանի ԶՈւ-ին պատկանող 4 ռազմանավ և 33 ռազմական ինքնաթիռ։ Այս մասին հայտնել է Թայվանի ռազմական գերատեսչությունը սոցցանցում տարածած հաղորդագրության մեջ, գրում է EADaily-ն։
Պաշտպանության նախարարության տվյալներով՝ դրանց թվում են եղել չորս J-11 կործանիչներ, չորս J-16 և Y-8 էլեկտրոնային հետախուզական ինքնաթիռ։ Թայվանի զինվորականները պատասխանել են օդային պարեկություն բարձրացնելով, ռադիոնախազգուշացումներ տարածելով և զենիթահրթիռային համակարգեր տեղակայելով:
Հավելենք, որ օգոստոսի սկզբին ԱՄՆ Ներկայացուցիչների պալատի նախագահ Նենսի Փելոսիի՝ Թայվան այցից հետո Չինաստանի ժողովրդական ազատագրական բանակը (PLA) պարբերաբար զորավարժություններ է անցկացնում կղզու մերձակայքում: Փելոսիից հետո Թայբեյ են այցելել ևս մի քանի ամերիկյան պատվիրակություններ։
Ներկայում կղզում է Գերմանիայի յոթ հոգանոց խորհրդարանական պատվիրակությունը։ ՉԺՀ-ն նման այցերը համարում է սադրանք և միջամտություն Չինաստանի ներքին գործերին։
Տաթև Ֆռանգյան
