05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Հունաստանի վարչապետն օգնություն է խնդրում ԱՄՆ-ից՝ Թուրքիայի դեմ․ Էրդողան
Քաղաքականություն
05.10.2022 | 22:17
Թուրքիայի նախագահ Ռեջեփ Թայիփ Էրդողանը կրկին անդրադարձել է Հունաստանին ու մեղադրանքներ հնչեցրել։ Անադոլու գործակալության փոխանցմամբ՝ Անկարայում Հաջի Բայրամ Վելի համալսարանում ունեցած ելույթում նա հայտարարել է, թե առաջինը, ինչը գալիս է մտքին ժամանակակից Թուրքիայի մասին հիշատակելիս, ոչ միայն տնտեսությունն է, պաշտպանական արդյունաբերությունն ու ռազմական հզորությունը, այլև, իբր, հումանիտար ճգնաժամերի վերաբերյալ սկզբունքային դիրքորոշումը, արդարության ձգտումը։
Նա ափսոսանք է հայտնել միջազգային իրավունքի կոպիտ խախտումների ֆոնին համաշխարհային հանրության անգործության կապակցությամբմ և հիշեցրել ՄԱԿ-ի Անվտանգության խորհրդի բարեփոխման իր կոչը։
Որպես անօրինականության օրինակ՝ նա խոսել է Հունաստանից՝ նշելով, թե հույն զինվորականները, իբր, գաղթականներին թողնում են մահանալու Էգեյան ու Միջերկրական ծովերի մեջտեղում։
«Ցավոք, աշխարհը լռում է՝ նախընտրելով չտեսնել այդ մարդկանց ողբերգությունը։ Միաժամանակ, Հունաստանի վարչապետն օգնություն է խնդրում ԱՄՆ-ից։ Ո՞ւմ դեմ։ Թուրքիայի դեմ։ Ինչ քայլ էլ ձեռնարկեն Աթենքում, Անկարան կանի այն ամենը, ինչ անհրաժեշտ է՝ իր ազգային շահերի համար»,- ասել է Էրդողանը։
Հավելենք, որ Էրդողանը վերջին շրջանում պարբերաբար սպառնում է Հունաստանին՝ Էգեյան ծովում լարվածության աճի ֆոնին։
Էմմա Չոբանյան
