27.07.2026 | 13:57
ԱԱ-2026-ի եզրափակիչի մրցավարն ավարտել է կարիերան
Ակնհայտ է, որ Թուրքիան շարունակում է աջակցել Ադրբեջանին․Ժոզեպ Բորել
Քաղաքականություն
05.10.2022 | 11:41
ԵՄ-ն արել է հնարավորը՝ կողմերին երկխոսության կոչ անելու, հրադադար հաստատելու համար, հայտարարել է ԵՄ արտաքին գործերի գերագույն ներկայացուցիչ Ժոզեպ Բորելը Եվրախորհրդարանում Հայաստանի և Ադրբեջանի միջև լարվածության բարձրացման շուրջ հարցի քննարկման ժամանակ:
«Ակնհայտ է, որ Թուրքիան շարունակում է աջակցել Ադրբեջանին», – ասել է Բորելը` հավելելով, որ իրենք խնդրում են Թուրքիային օգտագործել այդ ազդեցությունը երկու երկրների միջև լարվածությունը նվազեցնելու համար:
Բորելը կարևորել է Հայաստանի և Թուրքիայի միջև սահմանների բացումը, ինչը, նրա համոզմամբ, կօգնի նաև նվազեցնել լարվածությունը։
«Ես կցանկանայի, որ մենք կարողանայինք խաղաղության հասնել կովկասյան տարածաշրջանում և շատ այլ շրջաններում, որտեղ խաղաղության կարիք կա: Ցավոք սրտի, մենք ունենք միայն այն միջոցները, որոնք ունենք, դա քաղաքական ազդեցությունն է։ Տարածաշրջանում մենք ունենք հատուկ բանագնաց, որը մշտական կապի մեջ է երկու երկրների և Մինսկի խմբի եվրոպացի անդամների հետ։ Մենք նաև մարդասիրական օգնություն ենք առաջարկում, և դա այն է, ինչ մենք կարողանում ենք անել»,- հայտարարել է ԵՄ բարձր ներկայացուցիչը։
Բորելը հավելել է, որ հայ ռազմագերիների մահապատժի տեսագրությունը «սարսափելի է» և հետաքննություն է պահանջվում։
Տաթև Ֆռանգյան
