21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
«Կին, կյանք, ազատությո՛ւն» ,«Մա՛հ դիկտատորին»․ Իրանում զանգվածային բողոքի ցույցերին միացել են դպրոցականներն ու ուսանողները
Քաղաքականություն
04.10.2022 | 22:42
Իրանում բողոքի ցույցերը չեն թուլանում։ Շաբաթվա սկզբից, երբ երկրում պաշտոնապես մեկնարկեց ուսումնական տարին, ուսանողներն ու ավագ դասարանների աշակերտները միացան ցույցերին, գրում է Euronews-ը։
Կիրակի Թեհրանի հեղինակավոր Շարիֆի տեխնոլոգիական համալսարանի տարածքում անվտանգության ուժերը բոլոր կողմերից շրջապատել են ուսանող ցուցարարներին՝ թույլ չտալով նրանց հեռանալ և արցունքաբեր գազ են կիրառել։
Հարյուրավոր ուսանողներ բերման են ենթարկվել, նրանցից շատերն ավելի ուշ ազատ են արձակվել: Երկուշաբթի տարբեր համալսարանների ուսանողներ դուրս են եկել Թեհրանի և այլ քաղաքների փողոցներ՝ պահանջելով ազատ արձակել ձերբակալվածներին: Մի շարք քաղաքների ավագ դպրոցական աղջիկները, ի նշան բողոքի, հանել են գլխաշորերը։
Today in Iran, schoolgirls remove their compulsory hejab and chant “death to the dictator” while stomping on the photos of their rulers pic.twitter.com/ipQPSZhsvC
— Karim Sadjadpour (@ksadjadpour) October 3, 2022
«Կին, կյանք, ազատությո՛ւն» և «Մա՛հ դիկտատորին» կարգախոսներն են հնչում Իրանի գրեթե բոլոր քաղաքների փողոցներում։
I’ve never seen anything like this in the Islamic Republic of Iran… schoolgirls without mandatory hejab,chanting "We don't want the Islamic Republic" & "Khamenei is a murderer, his reign is nullified.” And it’s happening in several places. #IranProtests #iran #MahsaAmini pic.twitter.com/Jwx1wJP0r0
— Roxana Saberi (@roxanasaberi) October 3, 2022
Վաշինգտոնը հայտարարել է, որ իրանցի պաշտոնյաների դեմ պատժամիջոցներ է պատրաստում, որոնք կապված են խաղաղ բողոքի ցույցերը ճնշելու հետ։
گوهردشت ، شیر دختران ایران ، مدیر کل آموزش پرورش رو با اردنگی بیرون کردند.#مهسا_امینی pic.twitter.com/Q5jWMU6rfj
— Streets of IRAN (@streetsof_IRAN) October 3, 2022
«Մենք տագնապած և ապշած ենք այն հաղորդագրություններից, որ անվտանգության մարմիններն ուսանողների խաղաղ ցույցերին արձագանքում են բռնություններով և զանգվածային ձերբակալություններով»,- ասվում է Սպիտակ տան մամուլի քարտուղար Կարին Ժան-Պիերի հայտարարության մեջ:
Եվրախորհրդարանի նախագահ Ռոբերտա Մեցոլան հայտարարություն է տարածել՝ մտահոգություն հայտնելով Իրանում կանանց իրավունքների պաշտպանության խաղաղ ցույցերը ճնշելու կապակցությամբ։
Երեքշաբթի Իրանի նախագահ Իբրահիմ Ռաիսին ազգային միասնության կոչ է արել՝ ասելով, որ Իսլամական Հանրապետությունն «ունի թուլություններ ու թերություններ»։ Միաժամանակ, նա, հետևելով Իրանի գերագույն հոգևոր առաջնորդ այաթոլլա Ալի Խամենեիին, հաստատել է իշխանությունների պաշտոնական դիրքորոշումը՝ բողոքի ցույցերը կազմակերպելու մեջ Իրանի թշնամիներին մեղադրելու վերաբերյալ։
17-ամյա Նիկա Շաքարամին անհետացել է սեպտեմբերի 20-ի ցույցերի ժամանակ։ 10 օր անց նրա ընտանիքին հայտնել են, որ աղջկա դին կարող են տանել Քահրիզակ բանտից։ Ընտանիքին թույլ չեն տվել հուղարկավորություն կազմակերպել, միաժամանակ, ձերբակալվել են աղջկա հորեղբայրն ու մորաքույրը։
Բողոքի ցույցերի ընթացքում զոհվել են տասնյակ մարդիկ, պաշտոնական տվյալներով՝ ավելի քան 40 մարդ, սակայն իրավապաշտպանները նշում են առնվազն 80 զոհի մասին։
Տաթև Ֆռանգյան
