01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Հունաստանն «այո» կասի Միցոտակիս-Էրդողան հանդիպման գաղափարին, եթե Թուրքիան խնդրի
Քաղաքականություն
04.10.2022 | 22:51
Հունաստանը հայտարարել է, որ կողջունի Անկարայի ցանկացած խնդրանք՝ այս շաբաթ Պրահայում կայանալիք եվրոպական գագաթնաժողովի շրջանակում վարչապետ Կիրիակոս Միցոտակիսի և Թուրքիայի նախագահ Թայիփ Էրդողանի հանդիպման հետ կապված, գրում է Reuters-ը։
Հիշեցնենք, որ երկու երկրների հարաբերությունները կտրուկ լարվել են։
«Եթե Թուրքիայի նախագահը ձգտի նման հանդիպման, հունական կողմը կգնահատի դա և դրական կարձագանքի»,- լրագրողներին ասել է կառավարության խոսնակ Ջիանիս Օիկոնոմուն։
Եվրոպական քաղաքական համայնքի գագաթնաժողովը, որը Ֆրանսիայի նախագահ Էմանունել Մակրոնի մտահղացումն է, տեղի է ունենալու Պրահայում և կենտրոնանալու է Ուկրաինայի հակամարտության և էներգետիկ անվտանգության վրա։ Գագաթնաժողովին մասնակցելու են նաև ԵՄ անդամ չհանդիսացող երկրները։
Հիշեցնենք, որ Էրդողանը շարունակում է պարբերաբար սպառնալիքներ հնչեցնել Հունաստանի հասցեին։ Ավելին վաղ էլ նա հայտարարել է, որ Հունաստանի վարչապետ Կիրիակոս Միցոտակիսը «իր համար գոյություն չունի և այլևս չի հանդիպի նրան»։
Էմմա Չոբանյան
