08.06.2026 | 18:20
Հայ ժողովուրդն ընտրել է Եվրոպային ավելի մոտ ապագա. Իսպանիայի վարչապետը շնորհավորել է Փաշինյանին
Իսրայելն ակտիվորեն օգնում է Ուկրաինային, բայց չի հատում «կարմիր գծերը»․ դեսպան
Քաղաքականություն
04.10.2022 | 18:06
Ուկրաինայում Իսրայելի դեսպան Միխայել Բրոդսկին հայտարարել է, որ Իսրայելի կառավարությունը պատրաստ է օգնել Կիևին, բայց առանց «կարմիր գծերը» հատելու, որոնք կապված են իր իսկ անվտանգության հետ, գրում է ՌԻԱ Նովոստին։
Վլադիմիր Զելենսկին ավելի վաղ հայտարարել էր, որ ցնցված է, որ Իսրայելի իշխանություններն Ուկրաինային չեն մատակարարում Կիևի խնդրած զենքը։ Ուկրաինայի նախագահն ասել էր, որ հասկանում է՝ Իսրայելում ինքնին բարդ իրավիճակ է, սակայն կոչ էր արել երկրին ՀՕՊ համակարգեր մատակարարել Կիևին։
«Իսրայելն ակտիվորեն օգնում է Ուկրաինային, բայց չի հատում «կարմիր գծերը»: Այդ «կարմիր գծերը» կապված են Մերձավոր Արևելքում շատ բարդ իրավիճակի հետ: Իսրայելը, փաստորեն, նստած է վառոդով լի տակառի վրա: Իսրայելը պետք է գործի շատ ուշադիր և հաշվի առնի առաջին հերթին սեփական անվտանգության շահերը»,- Բրոդսկու խոսքերն է մեջբերում РБК-Украина-ն։
Տաթև Ֆռանգյան
