08.06.2026 | 09:41
ՀՀ տարածքում ավտոճանապարհներն անցանելի են
Չինաստանը գերծանր «Long March 9» հրթիռի համար նոր շարժիչ է փորձարկել՝ մոտենալով դեպի Լուսին մարդատար առաքելություն ուղարկելու հավակնություններին
Քաղաքականություն
04.10.2022 | 18:53
Չինաստանը մեկ քայլ ավելի է մոտեցել դեպի Լուսին մարդատար առաքելություն ուղարկելու իր հավակնությունների իրականացմանը այն բանից հետո, երբ գիտնականները հաջողությամբ փորձարկել են նոր ջրածնային-թթվածնային շարժիչը գերծանր «Long March 9» հրթիռակրի համար։ Այս մասին գրում է South China Morning Post-ը:
Անցյալ ուրբաթ մասնագետները հաջողությամբ ավարտել են YF-79 հրթիռային շարժիչի երեք ցամաքային փորձարկումները, որն իրենից ներկայացնում է 25 տոննա կշռող ջրածնային-թթվածնային շարժիչ՝ ընդարձակման ցիկլով: Այն մշակվել է «Long March 9» գերծանր հրթիռի համար, որը նախատեսված է դեպի Լուսին կառավարվող առաքելություն և Մարսի հետազոտման առաքելություններ իրականացնելու համար։
Մշակողները նպատակ ունեն YF-79-ը դարձնել իր տեսակի մեջ ամենահզոր հրթիռային շարժիչը, որը կարող է բազմակի այրվել:
Տաթև Ֆռանգյան
