09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինական բանակը վերջին մեկ օրվա ընթացքում ազատագրել է ևս մի քանի բնակավայր․ Զելենսկի
Քաղաքականություն
04.10.2022 | 12:40
Ուկրաինական բանակը վերջին մեկ օրվա ընթացքում ազատագրել է ևս մի քանի բնակավայր։ Այս մասին տեսաուղերձում հայտարարել է Ուկրաինայի նախագահ Վլադիմիր Զելենսկին։ Պետության ղեկավարը, սակայն, կոնկրետ բնակավայրերի անուններ չի տվել ու չի պարզաբանել, թե որ մարզերի մասին է խոսքը, գրում է DW-ի ռուսական ծառայությունը։
Միաժամանակ, Զելենսկին վստահեցրել է, որ ուկրաինական իշխանությունները մտադիր չեն օկուպացված տարածքներում մնացած բոլոր անձանց համարել համախոհներ։
«Եթե ուսուցիչը մնացել է ուկրաինացի ուսուցիչ և չի խաբել երեխաներին, թե ով է թշնամին… Կամ եթե մարդը մնացել է Ուկրաինայի կոմունալ ծառայությունների ուկրաինացի աշխատակից և, օրինակ, օգնել պահպանել մարդկանց էներգիայի մատակարարումը, ուրեմն նման մարդուն ինչ-որ բանում չի կարելի մեղադրել»,- շեշտել է Ուկրաինայի նախագահը։
Հավելենք, որ պատերազմի ուսումնասիրման ամերիկյան ինստիտուտն (ISW) իր ամենօրյա ամփոփագրում ևս հայտնել է, որ ուկրաինական բանակն ընդլայնում է վերահսկողության գոտին հյուսիս-արևելքում՝ Կրեմեննայա և Սվատով ուղղություններով և Խերսոնի շրջանում։ Մասնավորապես, նշվում է, որ ուկրաինացիներն ընդլայնում են իրենց վերահսկողության գոտիները Կուպյանսկից, Բորովայայից, Լիմանից դեպի արևելք՝ մոտենալով Կրեմեննայա և Սվատովո քաղաքներին ու դրանք իրար միացնող ճանապարհին։
Տաթև Ֆռանգյան
