18.05.2026 | 15:37
Ռուբեն Վարդանյանին առաջադրել են Վացլավ Հավելի անվան մարդու իրավունքների 2026-ի մրցանակի
Ի՞նչ է քննարկվում փակ դռան հետևում. Սամվել Ալեքսանյանն ու Հակոբ Բեգլարյանն այս պահին Վահրամ Բաղդասարյանի աշխատասենյակում են
29.05.2018 | 14:25
Ազգային ժողովի ՀՀԿ խմբակցության պատգամավորներ Սամվել Ալեքսանյանն ու Հակոբ Բեգլարյանն այս պահին գտնվում են խմբակցության ղեկավար Վահրամ Բաղդասարյանի աշխատասենյակում։ Առաջին հայացքից թվում է, որ այդ ամենում որևէ արտառոց բան չկա, բայց հաշվի առնելով այն հանգամանքը, որ վերը նշված պատգամավորները խորհրդարան են գալիս միայն նիստերի օրերին, այն էլ՝ քվեարկությանը մասնակցելու նպատակով, ուստի առնվազն ուշագրավ է նրանց՝ խորհրդարան գալու փաստը։
Թեև այսօր խմբակցության նիստ կա, բայց նշված պատգամավորները խմբակցության նիստերին ևս ուշ-ուշ են ներկայանում։ Նշենք, որ վերջին օրերին ԱԱԾ-ն իր հայտարարած կոռուպցիոն սխեման բացահայտելու շրջանակում ստուգումներ է իրականացնում Սամվել Ալեքսանյանին պատկանող «Երևան Սիթի» սուպերմարկետների ցանցում։
Այսօր Ազգային ժողովում վարչապետ Նիկոլ Փաշինյանը կոչ արեց պետությանը չխաբել և վերադարձնել չմուծած հարկերը, այլապես ԱԱԾ-ն դա կանի շատ արագ, կոշտ և օրինական ճանապարհով։ Թե ինչ են գործարար պատգամավորներն այս պահին քննարկում ՀՀԿ խմբակցության ղեկավարի հետ, հայտնի չէ։
Հանդիպումից հետո կփորձենք զրուցել Սամվել Ալեքսանյանի և Հակոբ Բեգլարյանի հետ։
