08.04.2026 | 13:48
Ձերբակալվել է Աշխատանքի և սոցիալական հարցերի նախկին նախարար Արտեմ Ասատրյանը
ԱԱԾ-ն, ինչ խնդիր դրվի, կլուծի շատ արագ, կոշտ և օրինական ճանապարհով, բայց բոլորին կոչ եմ անում չհասցնել դրան. Նիկոլ Փաշինյան. Տեսանյութ
Քաղաքականություն
29.05.2018 | 12:28
«Հայաստանում օրինականության հաստատման գործընթաց է»,- այսօր Ազգային ժողովում լրագրողների հետ կարճ զրույցում ՀՀ վարչապետ Նիկոլ Փաշինյանն այսպես բնորոշեց տարբեր բիզնեսմենների, այդ թվում՝ Սամվել Ալեքսանյանին պատկանող «Երևան Սիթի» սոուպերմարկետներում իրավապահների կողմից իրականացվող ստուգումները:
Կառավարության ղեկավարը վերահաստատեց իրենց այն հայտարարությունը, որ «վենդետաներ» չեն լինելու՝ միևնույն ժամանակ ընդգծելով. «Բայց որևէ մեկը թող չփորձի դա ընկալել որպես թուլության նշան, այսինքն՝ վենդետաներ չեն լինելու, բայց ամենաթողություն էլ չի լինելու: Եթե որևէ մեկը մեր այս դիրքորոշումը կփորձի ընկալել որպես թուլության նշան, ջախջախիչ հակահարված կստանա»:
Վարչապետ Փաշինյանը նաև ասաց՝ բոլորին կոչ է անում լրջանալ և պետության հանդեպ բոլոր պարտավորությունները կատարել անմնացորդ:
«Բոլորը ազատված են կոռուպցիոն պարտավորություններից, ես սա ասում եմ միանշանակ, ոչ ոք թող չմտածի, թե կարող է պետությանը խաբել: Ես բոլորին կոչ եմ անում կամավոր գալ էդ դաշտ, նախկինում չվճարված հարկերը վերահաշվարկեն և թող այդ ամենն ԱԱԾ-ի միջոցով տեղի չունենա: Այո՛, ԱԱԾ-ն ինչ խնդիր դնի, կլուծի շատ արագ, կոշտ և օրինական ճանապարհով, բայց բոլորին կոչ եմ անում չհասցնել դրան»,- հավելեց Կառավարության ղեկավարը:
Մանրամասները՝ տեսանյութում:
