15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Ընտրություններից հետո Թուրքիան լինելու է առանց Էրդողանի
Քաղաքականություն
29.05.2018 | 12:43
Թուրքիայի քրդամետ ընդդիմադիր «Ժողովուրդների դեմոկրատական կուսակցության» (ԺԴԿ-HDP) կին համանախագահ Փերվին Բուլդանն Իզմիրում մասնակցել է կուսակցության նախընտրական ժողովին. տեղեկացնում է ermenihaber-ը:
Հունիսի 24-ին Թուրքիայում տեղի են ունենալու խորհրդարանական և նախագահական ընտրություններ։
Ժողովի ժամանակ նա մասնավորապես ասել է․ «2015թ․ հունիսի 7-ի խորհրդարանական ընտրությունների ժամանակ հաջողության հասանք, այժմ էլ հերթը հունիսի 24-ինն է։ Արդեն ավարտվել է «Արդարություն և զարգացում» կուսակցության ժամանակաշրջանը։ Ընտրություններից հետո Թուրքիան լինելու է առանց ԱԶԿ-ի և առանց Ռեջեփ Թայիփ Էրդողանի»։
Խոսելով այն մասին, թե ինչ տեղի կունենա իրենց կուսակցության իշխանության գալուց հետո՝ Բուլդանն ասել է, որ առաջին քայլերից մեկը լինելու է այն, որ բանտից ազատ են արձակվելու կուսակցության նախկին համանախագահներ Սելահհաթթին Դեմիրթաշը և Ֆիգեն Յուքսեքդաղը։ Վերջիններս մեղադրվում են «Ահաբեկչական կազմակերպության անդամ լինելու մեջ»։
