09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
«Գունավոր հեղափոխությունների դեմ պայքարելու համար Արևմուտքի կողմից վերահսկվող ՀԿ-ների և ԶԼՄ-ների աշխատանքը պետք է սահմանափակվի». Պատրուշև
Քաղաքականություն
30.09.2022 | 16:59
Գունավոր հեղափոխությունների արտահանման դեմ պայքարելու համար Արևմուտքի կողմից վերահսկվող ոչ կառավարական կազմակերպությունների, լրատվամիջոցների և ինտերնետ ռեսուրսների աշխատանքը պետք է սահմանափակվի։ ԱՊՀ երկրների անվտանգության մարմինների և հետախուզական ծառայությունների ղեկավարների հանդիպմանը նման առաջարկով է հանդես եկել ՌԴ Անվտանգության խորհրդի քարտուղար Նիկոլայ Պատրուշևը, փոխանցում է ՏԱՍՍ-ը։
«Գունավոր հեղափոխությունների արտահանման դեմ պայքարի շրջանակում մենք, մասնավորապես, համարում ենք, որ անհրաժեշտ է ազգային մակարդակով մշակել կարգավորող իրավական դաշտ՝ ուղղված Արևմուտքի կողմից վերահսկվող հասարակական կազմակերպությունների, ԶԼՄ-ների, ինչպես նաև ինտերնետային ռեսուրսների հսկողության ուժեղացմանն ու սահմանափակմանը։ Ռուսաստանը նման փորձ ունի, և մենք պատրաստ ենք այն կիսել»,- ասել է Պատրուշևը:
Պատրուշևի խոսքով՝ «նույն մոտեցումն օգտագործվում է ԱՄՆ-ում գունավոր հեղափոխություններ կազմակերպելու համար՝ տապալելու անընդունելի ռեժիմները»:
Տաթև Ֆռանգյան
