07.08.2026 | 20:13
Վթար՝ պարեկային ծառայության ավտոմեքենայի մասնակցությամբ․ երկու պարեկ տեղափոխվել է հիվանդանոց
Էրդողանը Բունդեսթագի փոխնախագահի դեմ հայց է ներկայացրել՝ իրեն «կոյուղու առնետ» անվանելու համար
Քաղաքականություն
30.09.2022 | 14:55
Թուրքիայի նախագահ Ռեջեփ Թայիփ Էրդողանը Քյոլնում իր փաստաբանի միջոցով հայց է ներկայացրել Բունդեսթագի փոխնախագահ Վոլֆգանգ Կուբիցկիի դեմ՝ իրեն վիրավորելու ու զրպարտելու համար, գրում է Greek City Times-ը։
Հիշեցնենք, որ օրերս Կուբիցկին նախընտրական միջոցառման ժամանակ վիրավորել էր Էրդողանին՝ նրան անվանելով «կոյուղու առնետ» և մեղադրել նրան փախստականների հարցը որպես Եվրոպայի վրա քաղաքական ճնշում գործադրելու գործիք օգտագործելու համար։ Այս հարցով նույնիսկ Թուրքիայի ԱԳՆ էր կանչվել Անկարայում Գերմանիայի դեսպանը։
Էրդողանի փաստաբան Մուսթաֆա Քափլանն իր հայցում նշել է, որ ըստ Der Spiegel-ի՝ «կոյուղու առնետ» տերմինը վերաբերում է մարդուն, որը բարոյապես ստորադաս և զզվելի է և պնդում է, որ խոսքը ոչ թե իրական քննադատության, այլ զրպարտության մասին է։ Նա նաև կրոնական պատճառներն է մեջբերում։
«Իսլամը մերժում է նման վիրավորանքները»,- գրել է Քափլանը և հավելել, որ Կուբիցկիի մեկնաբանությունները ոչ մի կապ չունեն փախստականների քաղաքականության հետ, և «ապացուցված չէ, որ Թուրքիայի նախագահը փախստականներին օգտագործում է որպես ճնշման միջոց»:
Էմմա Չոբանյան
