19.12.2025 | 14:02
40-ամյա Ռոնալդուի տրանսֆերային արժեքը չի փոխվել
Մոբիլիզացիայի հայտարարությունից հետո Պուտինի վարկանիշը նվազել է․ սոցհարցումներ
Քաղաքականություն
30.09.2022 | 13:45
Սեպտեմբերին «Լևադա» կենտրոնի կողմից հարցվածների շրջանում Ռուսաստանի նախագահ Վլադիմիր Պուտինի գործունեությանը հավանության մակարդակը, նախորդ ամսվա համեմատ, նվազել է 6 տոկոսով։ Օգոստոսին Պուտինի գործունեությանը հավանություն է տվել հարցվածների 83 տոկոսը, սեպտեմբերին՝ 77։ Հարցումն անցկացվել է այն բանից հետո, երբ նախագահը հայտարարել է Ռուսաստանում մոբիլիզացիայի մասին, գրում է VOA-ն։
Մինչև Ուկրաինա Ռուսաստանի ներխուժումը «Լևադա»-ի հարցումներում Պուտինի վարկանիշը կազմում էր մոտ 70 տոկոս, իսկ պատերազմի բռնկումից հետո բարձրացել է ավելի քան 80 տոկոսի և այս մակարդակում մնացել մինչև վերջերս։
Հարցվածներին խնդրել են նշել քաղաքական գործիչների անունները, որոնց վստահում են, և արդյունքների համաձայն՝ Պուտինի վարկանիշը 44 տոկոսից իջել է 40 տոկոսի:
«Լևադա» կենտրոնը նշում է, որ իշխանությունների այլ ներկայացուցիչների նկատմամբ վստահության մակարդակը նույնպես նվազել է, ինչպես նաև նվազել է այն մարդկանց թիվը, որոնք կարծում են, որ երկրում ամեն ինչ ճիշտ ուղղությամբ է ընթանում. օգոստոսին նրանց թիվը կազմել է 67 տոկոս, իսկ զորահավաքի հայտարարությունից հետո՝ 7 տոկոսով պակաս։
Տաթև Ֆռանգյան
