05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Բուրիաթիայում ծանուցագրեր են ստացել բազմազավակ հայրեր, ուսանողներ, տարեցներ
Քաղաքականություն
30.09.2022 | 12:42
Բուրիաթիայի ղեկավար Ալեքսեյ Ցիդենովը հայտնել է, որ հանրապետությունը կատարել է մասնակի մոբիլիզացիայի շրջանակներում ժամկետային զինծառայողների հավաքագրման ծրագիրը։ Նրա խոսքով՝ մոբիլիզացվածներից մի քանիսը բուժզննումից հետո «բժշկական նկատառումներով վերադարձել են տուն», գրում է BBC-ի ռուսական ծառայությունը։
Բուրիաթիայում մոբիլիզացիան ընթացել է բավականին դժվար՝ կապված զանգվածային բնույթի հետ․ տեղի բնակիչներն ու իրավապաշտպանները բազմաթիվ խախտումներ են արձանագրել: Նրանք մոբիլիզացիայի մասին Վլադիմիր Պուտինի ուղերձից հետո առաջին օրը անվանել են «դատաստանի գիշեր» և «Սուրբ Բարդուղիմեոսի գիշեր», քանի որ ծանուցագրեր են ստացել անգամ բազմազավակ հայրեր, ուսանողներ և տարեցներ։
Սոցիալական ցանցերում հանրապետության բնակիչները պատմում էին, որ տղամարդկանց կես ժամ ժամանակ են տվել իրերը հավաքելու համար։ Այնուհետև նրանց 30 հոգանոց խմբերով «Կամազ» բեռնատարներով տեղափոխել են Ուլան-Ուդե։
Տաթև Ֆռանգյան
