18.08.2026 | 21:12
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Թուրքիայի բողոքներին ի պատասխան՝ ԱՄՆ-ը հայտարարել է, որ Հունաստանի ինքնիշխանությունը երկու կղզիների նկատմամբ հարցականի տակ չէ
Քաղաքականություն
29.09.2022 | 23:12
ԱՄՆ-ը հայտարարել է, որ Հունաստանի ինքնիշխանությունը երկու կզղիղների նկատմամբ կասկածի տակ չէ։ Սա այն բանից հետո, երբ Անկարան իր բողոքն էր հայտնել այնտեղ ամերիկյան արտադրության զրահատեխնիկայի տեղակայման կապակցությամբ, գրում է AFP-ը, որին վկայակոչում է Turkish Minute-ը։
Հիշեցնենք, որ ավելի վաղ Թուրքիան Անկարայում Հունաստանի և ԱՄՆ-ի դեսպաններին բողոքի նոտա էր հղել Լեսբոս ու Սամոս հունական կղզիներում ամերիկյան զրահամեքենաների տեղակայման առնչությամբ։
«Հունաստանի ինքնիշխանությունը այդ կզղիների նկատմամբ հարցականի տակ չէ։ Մենք կոչ ենք անում բոլոր կողմերին խուսափել հռետորաբանությունից և այնպիսի գործողություններից, որոնք կարող են է՛լ ավելի սրել լարվածությունը։ Պետք է հարգել բոլոր երկրների ինքնիշխանությունը և տարածքային ամբողջականությունը»,- լրագրողներին ասել է Պետքարտուղարության խոսնակ Նեդ Փրայսը։
Հավելենք, որ վերջին շրջանում կտրուկ լարվել են Թուրքիայի և Հունաստանի հարաբերությունները՝ կապված Էգեյան ծովի հունական կզղիների հետ։ Թուրքիայի նախագահ Ռեջեփ Թայիփ Էրդողանն էլ պարբերաբար շարունակում է սպառնալ Աթենքին։
Էմմա Չոբանյան
