28.06.2026 | 15:38
Ձայնագրությունները մոնտաժված են եղել․ «Ուժեղ Հայաստանին» ահռելի վնաս է պատճառվել․ Վարդևանյան․ ՏԵՍԱՆՅՈւԹ
ԵՄ գագաթնաժողովում քննարկվելու են Ուկրաինայում հանրաքվեները և «Հյուսիսային հոսքում» արտակարգ դրությունը․ Reuters
Քաղաքականություն
29.09.2022 | 19:50
ԵՄ երկրները առաջիկա գագաթնաժողովում կքննարկեն Դոնեցկի և Լուգանսկի Ժողովրդական Հանրապետությունների, Խերսոնի և Զապորոժիեի շրջանների հանրաքվեները, ինչպես նաև «Հյուսիսային հոսք» և «Հյուսիսային հոսք 2» գազատարներից գազի արտահոսքը։ Այս մասին հինգշաբթի հայտնել է Reuters գործակալությունը՝ վկայակոչելով ԵՄ պաշտոնյային։
Ըստ այդ տվյալների՝ սպասվում է նաև, որ ԵՄ անդամները մինչ գագաթնաժողովը համաձայնության կգան ՌԴ նկատմամբ պատժամիջոցների փաթեթի շուրջ կամ ծայրահեղ դեպքում դրա հիմնական մասերի նկատմամբ։
Համաձայն պաշտոնյայի հայտարարության՝ ԵՄ առաջնորդները պլանավորում են քննարկել հարցերը, որոնք վերաբերում են պողպատին ու տեխնոլոգիաներին և համաձայնեցնել ֆիզիկական անձանց ցուցակները, որոնք կարող են հայտնվել պատժամիջոցների տակ։ Միության անդամ երկրները գագաթնաժողովում կքննարկեն նաև էներգիայի գների վերին սահմանաչափ սահմանելու տարբեր գաղափարներ, որոնք ԵՄ պաշտոնյան ակնկալում է, որ լարված կլինեն, քանի որ համայնքը «դժվար ժամանակներ է ապրում»:
Չորեքշաբթի օրը Եվրահանձնաժողովը ԵՄ երկրներին առաջարկել է Ռուսաստանի դեմ տնտեսական և անհատական պատժամիջոցների նոր փաթեթ՝ ներառյալ նավթի գնի սահմանաչափի ներդրումը։
Տաթև Ֆռանգյան
