21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
Ռուսների մոբիլիզացիան ու փախուստը նշանակալի ազդեցության կունենան երկրի տնտեսության վրա․ բրիտանական հետախուզություն
Քաղաքականություն
29.09.2022 | 12:34
Մեծ Բրիտանիայի հետախուզության այսօրվա ամփոփագիրը ուկրաինական պատերազմի վերաբերյալ առնչվում է ՌԴ-ում մոբիլիզացիային, գրում է BBC-ի ռուսական ծառայությունը։
Նշվում է, որ ՌԴ նախագահ Վլադիմիր Պուտինի «մասնակի մոբիլիզացման» հայտարարությունից հետո յոթ օրվա ընթացքում ՌԴ-ից զգալի արտագաղթ է եղել, տղամարդիկ փորձում են խուսափել զորակոչվելուց: Թեև ճշգրիտ տվյալներ հայտնի չեն, սակայն, ըստ հետախուզության , թիվը գերազանցում է 2022 թվականի փետրվարին ներխուժման համար տեղակայված բոլոր ուժերի թվակազմը։ Ըստ ամփոփագրի՝ Ռուսաստանից հեռանալ փորձողների շարքում մեծ է կրթված մարդկանց տեսակարար կշիռը։ Հաշվի առնելով «ուղեղների արտահոսքը», նաև ՌԴ-ում աշխատուժի ընդհանուր թվակազմի կրճատումը՝ հետախուզությունը եզրակացնում է, որ դա զգալի բացասական ազդեցություն կունենա երկրի տնտեսության վրա։
Էմմա Չոբանյան
