17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
Պաշտոնապես հայտարարում եմ՝ Արա Բաբլոյանը հրավիրված է եղել որպես ԱԺ նախագահ և որպես ՀՀԿ խմբակցության ներկայացուցիչ. Էդուարդ Աղաջանյան
28.05.2018 | 21:33
ՀՀ վարչապետի աշխատակազմի ղեկավար Էդուարդ Աղաջանյանը ֆեյսբուքի իր էջում գրառում է կատարել այսօր Սարդարապատի հուշահամալիրում Հայաստանի Առաջին Հանրապետության 100-ամյակին նվիրված զինվորական շքերթին ու տոնական միջոցառմանը ԱԺ նախագահ Արա Բաբլոյանին հրավեր ուղարկելու առնչությամբ:
«Տասնյակ լրատվամիջոցներ մինչ այս պահը զանգում են մեզ, փորձելով հասկանալ ՀՀԿ խմբակցության անդամ, ԱԺ Նախագահ Արա Բաբլոյանի այսօրվա միջոցառումներին չներկայանալու պատճառը: Եվ արդյոք նա առհասարակ եղել է հրավիրված անձանց ցուցակում թե՝ ոչ:
Պաշտոնապես հայտարարում եմ՝ Արա Բաբլոյանը հրավիրված է եղել որպես ԱԺ նախագահ և որպես ՀՀԿ խմբակցության ներկայացուցիչ: Եւ այո, Պարոն Բաբլոյանի համար նստատեղ նախատեսված է եղել թե՛ Սարդարապատի օթյակում, և թե՛ քիչ անց տեղի ունենալիք համերգի պարտերում»,- գրել է նա:
Նշենք, սակայն, որ ժամեր առաջ ՀՀ վարչապետի աշխատակազմի ղեկավար Էդուարդ Աղաջանյանի օգնական Տիգրան Մուղնեցյանը Factor.am-ի զրույցում նշել էր, որ Արա Բաբլոյանին առանձին հրավեր չի ուղարկվել:
«Պարոն Բաբլոյանը ներկայացնում է Հանրապետական կուսակցությունը և պարոն Բաբլոյանին սեփական կուսակցությունից անջատելը, ի պաշտոնե նույնիսկ, սխալ է»,- ասել էր նա:
