14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
ՎԶԵԲ-ը Հայաստանի համար 2022-ին կանխատեսում է 8 տոկոս տնտեսական աճ
Տնտեսություն
28.09.2022 | 17:42
Վերակառուցման և զարգացման եվրոպական բանկը վերանայել է Հայաստանի տնտեսական աճի կանխատեսումը. ըստ այդմ՝ 2022 թվականին Հայաստանի ՀՆԱ-ի աճը կկազմի 8 տոկոս: Հայաստանի, Վրաստանի և Ադրբեջանի տնտեսությունները վերջին տարիների ամենաբարձր տնտեսական ակտիվության աճն են գրանցել։ Այս մասին նշված է ՎԶԵԲ-ը «Տարածաշրջանային տնտեսական հեռանկարները» զեկույցում: Ըստ հրապարակման՝ Հայաստանն ու Վրաստանը շահում են ռուսաստանյան բիզնեսների և տեղեկատվական և հեռահաղորդակցության տեխնոլոգիաների (ՏՀՏ) մասնագետների հոսքից՝ խթանելով այս փոքր տնտեսությունների սպասարկման ոլորտները: Այնուամենայնիվ, նախազգուշացվում է, որ Կովկասում ներկայիս աճը հիմնականում պայմանավորված է ժամանակավոր գործոններով, որոնք հեշտությամբ կարող են փոխվել:
2022 թվականին տարածաշրջանի համար գրանցված կայուն աճը կնվազի 2023 թվականին։ ՎԶԵԲ-ը որոշակի մտահոգություններ է նշում տարածաշրջանի համար։ Հայաստանի դեպքում դրանք ավելի արատահայտված են ռուսական տնտեսության հետ սերտ փոխկապակցվածության համատեքստում։
Կանխատեսվում է, որ այս տարի Ադրբեջանի տնտեսությունը կաճի 4,5 տոկոսով, իսկ հաջորդ տարի՝ 2,5 տոկոսով։ Վրաստանի տնտեսությունը կաճի 8 տոկոսով, իսկ հաջորդ տարի՝ մինչև 5 տոկոս: Այս տարի Հայաստանի տնտեսության 8 տոկոս ակնկալվող աճը 2023 թվականին, ամենայն հավանականությամբ, կնվազի մինչև 4 տոկոս։ Նշվում է, որ կանխատեսումներում արտացոլված թվերը հետագայում կարող են նվազել, եթե Ուկրաինայի դեմ պատերազմը սրվի:
Անժելա Պողոսյան
