01.07.2026 | 21:13
Վարչական դատարանը բավարարել է Մայր Աթոռի հայցն ընդդեմ ոստիկանության
Պեսկովը հայտարարել է, թե թուրքական բանկերն ԱՄՆ-ի ճնշման տակ են
Քաղաքականություն
28.09.2022 | 22:54
Կրեմլում կարծում են, որ թուրքական պետական բանկերի որոշումը՝ հրաժարվել ռուսական «Միր» վճարային համակարգից, պարտադրված է ԱՄՆ-ի աննախադեպ ճնշման և երկրորդական պատժամիջոցների սպառնալիքների պատճառով։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոտսին։
Ավելի վաղ թուրքական ԶԼՄ-ները հայտնել էին, որ թուրքական պետական Halkbank, Ziraat Bank և VakıfBank բանկերը որոշել են դադարեցնել «Միր» համակարգի օգտագործումը։
«Պարզ է, որ բանկերն ու տնտեսվարողները գտնվում են ԱՄՆ-ի ուժեղ ճնշման տակ, նրանց սպառնում են երկրորդական պատժամիջոցներով բանկային համակարգի համար։ Այդ որոշումը հասկանալի է, որ ընդունվել է այդ աննախադեպ ճնշման ներքո։ Իրավիճակը բարդ է, իհարկե, պետք է միասին ուղիներ փնտրենք՝ այդ ճնշմանը դիմակայելու համար, այնպիսի ձևով, որպեսզի վնաս չհասցվի մեր առևտրատնտեսական համագործակցությանը և չզրկենք Թուրքիա այցելող մեր միլիոնավոր ռուս զբոսաշրջիկներին հարմարավետ պայմաններից»,- ասել է Պեսկովը՝ պատասխանելով ստեղծված իրավիճակի մասին Կրեմլի դիրքորոշման մասին հարցին։
Էմմա Չոբանյան
