08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
«Մաքուր ընտրություններ են եղել» . Անիի 3 ընտրատեղամասերում վերահաշվարկ է կատարվել
Քաղաքականություն
28.09.2022 | 13:55
Թիվ 33 ընտրատարածքային ընտրական հանձնաժողովի նախագահ Գոռ Պետրոսյանի տեղեկացմամբ վերահաշվարկ է կատարվել Շիրակի մարզի Անի համայնքի երեք ընտրատեղամասերում։ Դրանցից մեկը 33/13-ն է, որը տեղակայված է Իսահակյան գյուղում, մյուսը` 33/18-ը, որը գտնվում է Բագրավան գյուղում, երրորդը` 33/19-ը՝ տեղակայված Անի կայարան բնակավայրում։
Մեր զրուցակցի փոխանցմամբ, վերահաշվարկը կատարվել է հանձնաժողովի նախաձեռնությամբ, ընտրական կարգի պահպանմամբ, թեկնածուներից որևէ մեկի կողմից բողոք չի եղել։
«Որևէ խախտում այս ընտրատեղամասերում չենք հայտնաբերել, մաքրամաքուր ընտրություններ են եղել»,-ասաց Գոռ Պետրոսյանը։ Նա նշեց, որ կիրակի օրը` հոկտեմբերի 2-ին կբաշխվեն մանդատները, դրանից հետո հայտնի կդառնա, թե որ քաղաքական ուժերը կոալցիա կկազմեն։ Հիշեցնենք, որ Անիի ՏԻՄ ընտրություններին մասնակցել են երեք քաղաքական ուժեր, որոնցից մեկը` «Ազգ-համայնքը» գլխավորում է 18 տարվա ՀՀԿ-ական համայնքապետ Արտակ Գևորգյանը։ Այս ուժը առաջատար է, ստացել է 3763 ձայն, ստանալու է 10 մանդատ։ Մյուս քաղաքական ուժը «Քաղաքացիական պայմանագիրն» է, որը գլխավորում է Արման Սարիբեկյանը, այս ուժը ստանալու է 8 մանդատ, նրանց օգտին քվեարկել է 3032 ընտրող, երրորդը` «Հայկական երազանք» կուսակցությունն է, որը գլխավորում է Անի համայնքի ավագանու անդամ Ագուն Սաղաթելյանը։
Այս ուժը հավաքել է 1037 ձայն կստանա 3 մանդատ։ Քաղաքական ուժերից և ոչ մեկը միանձնյա չի կարողանա ձևավորել իշխանություն Անիում, նրանք ձայների կեսից ավելին չեն ստացել, հետևաբար և պարտադիր է կոալիցիա կազմելը։ Կոալիցիա չկազմելու դեպքում նոր ընտրություններ տեղի կունենան։
Արմիկ Մովսիսյան
