21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
Հույս ունենք, որ Ադրբեջանը կհարգի խնդիրները ուժի կիրառման փոխարեն խաղաղ ճանապարհով կարգավորելու իրավունքը. ԱՄՆ սենատոր
Քաղաքականություն
27.09.2022 | 21:58
Ամերիկացի օրենսդիրներն այս օրերին անդրադառնում են Հայաստանի ու Ադրբեջանի միջև ընդհարումներին ու Ներկայացուցիչների պալատի խոսնակի այցին ՀՀ:
Միացյալ Նահանգները մեծապես հիասթափված է ուժի կիրառմամբ սահմանները փոխելու փորձի կապակցությամբ, և այս դեպքում խոսքը Ադրբեջանի կողմից ուժի կիրառման մասին է, «Ամերիկայի ձայն»-ի հետ զրույցում շեշտել է ԱՄՆ սենատոր, Եվրոպայում անվտանգության և համագործակցության հանձնաժողովի նախագահ (ԱՄՆ Հելսինկյան հանձնաժողով) Բեն Քարդինն՝ անդրադառնալով Հայաստանի ու Ադրբեջանի միջև հակամարտությանը:
«Մենք չափազանց մտահոգված ենք այս առիթով և արտահայտվել ենք՝ հույս հայտնելով, որ Ադրբեջանը կհարգի այս խնդիրները խաղաղ ճանապարհով լուծելու իրավունքը, այլ ոչ թե ուժի կիրառմամբ»,- ասել է սենատորը Քարդինը:
Ամերիկացի սենատորի կարծիքով՝ հնարավոր է անցկացնել բովանդակալից քննարկումներ այս հարցի շուրջ, թե ինչպես կարգավորել երկարատև այս հակամարտությունը, սակայն ռազմական գործողությունները խոչընդոտում են խաղաղ բանակցային գործընթացը:
«Առկա են չափազանց դժվար հանգամանքներ, սակայն որևէ կերպ չի օգնում այն հանգամանքը, երբ մի կողմը, որը կարծում է, որ ունի ռազմական առավելություն, փորձում է կիրառել դա այն ձևով, որն էլ ավելի է դժվարացնում բանակցությունները»,- ասում է սենատոր Քարդինը:
