14.04.2026 | 19:40
Գոհար Ղումաշյանի նկատմամբ տնային կալանք կիրառելու միջնորդություն է ներկայացվել․ ՀԿԿ
Նոր պատերազմի սպառնալիք և Ադրբեջանի հետ խաղաղության պայմանագիր․ ի՞նչ անել․ ՏԵՍԱՆՅՈՒԹ
Քաղաքականություն
27.09.2022 | 22:10
Ուղիղ երկու տարի առաջ Ադրբեջանը սկսեց լայնածավալ ռազմական ագրեսիա Արցախի սահմանների ուղղությամբ։ 44 օր տևած պատերազմն ավարտվեց հազարավոր զոհերով՝ երկու կողմի համար, ինչպես նաև տարածքային կորուտսներով՝ հայկական կողմից։ ՌԴ նախագահ Վլադիմիր Պուտինի հեղինակած նոյեմբերի 9-ի հայտարարությունը ստորագրեցին Նիկոլ Փաշինյանը և Իլհամ Ալիևը, սակայն խաղաղություն այդպես էլ չեկավ ռեգիոն։
Սեպտեմբերի 13-ին Ադրբեջանի ղեկավարը նոր ռազմական ագրեսիա սանձազերծեց, այս անգամ՝ ՀՀ միջազգայնորեն ճանաչված սահմանների ուղղությամբ։ 2020-ի նոյեմբերից ի վեր առնվազն 5 ռազմական էսկալացիա է Ադրբեջանը սանձազերծել ՀՀ-ում և Արցախում՝ փորձելով հարկադրել իր պահանջները։
2022-ի փետրվարի 24-ին ՌԴ-ի սկսած պատերազմն Ուկրաինայի դեմ ստիպում է մեզ նոր հայացքով դիտել 44-օրյա պատերազմին, առնվազն փորձելով պարզել՝ ինչո՞վ էին իրար շաղկապված 44-օրյան և Ուկրաինայի դեմ պատերազմը։ Մի զուգահեռ առնվազն ակնհայտ է՝ հանցավոր պատերազմները ժողովրդավարական պետությունների դեմ սանձազերծել են տոտալիտար ռեժիմները՝ կատարելով սահմռկեցուցիչ պատերազմական հանցագործություններ։
Արդյո՞ք պատերազմներն ավարտվել են Հարավային Կովկասում, թե՞ 44-օրյան հերթականն էր՝ ոչ վերջինը։ Ինչքանո՞վ ենք պատրաստ նոր պատերազմի։ Factor TV-ում հրավիրված բանավեճին մասնակցում են Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը, Երևանի մամուլի ակումբի նախագահ Բորիս Նավասարդյանը, քաղաքական վերլուծաբան Արմեն Հովհաննիսյանը, «Ողջ մնալու արվեստ» կազմակերպության ղեկավար Վովա Վարդանովը, քաղաքագետ, Ժողովրդավարական համախմբում կուսակցության ղեկավար Սուրեն Պետրոսյանը։
