03.11.2026 | 20:44
ԱԳՄԱ նախարարությունը՝ ի գիտություն հայաստանյան արտահանողների
ԲԴԽ-ն մերժեց դատավոր Աննա Փիլոսյանին կարգապահական պատասխանատվության ենթարկելու մասին միջնորդությունը
Հասարակություն
26.09.2022 | 16:23
Բարձրագույն դատական խորհուրդը, վերադառնալով խորհրդակցական սենյակից, որոշում կայացրեց մերժել Արդարադատության նախարարության միջնորդությունը և կագապահական պատասխանատվության չենթարկել Երևան քաղաքի ընդհանուր իրավասության դատարանի դատավոր Աննա Փիլոսյանին։
Հիշեցնենք՝ ըստ Արդարադատության նախարարության ներկայացրած միջնորդության հիմնավորումների՝ դատավորի կողմից թույլ են տրվել դատավարական իրավունքի նորմերի խախտումներ։ Մասնավորապես, քաղաքացիական երկու գործերով՝ համապատասխանաբար 12.07.2021 թվականին և 22.10.2021 թվականին, դատավորը կայացրել է պարզեցված վարույթը դադարեցնելու և գործն ընդհանուր հայցային վարույթի կարգով քննելու մասին չհիմնավորված և չպատճառաբանված որոշումներ։ Նշված որոշումները կայացման պահից եռօրյա ժամկետում չեն ուղարկել կողմերին, իսկ մեկ այլ քաղաքացիական գործով դատավորի կողմից չի ապահովվել կողմերի պատշաճ ծանուցումը նշված որոշմամբ 17.08.2021 թվականին նշանակված դատական նիստի վերաբերյալ, որի պայմաններում, կատարված խախտումներն իրենց հերթին հանգեցրել են դատավորի վարքագծի կանոնների խախտման:
Նշենք, որ Փիլոսյանը Արցախի Մարդու իրավունքների նախկին պաշտպան, ընդդիմադիր Ռուբեն Մելիքյանի կինն է։
Մանրամասները՝ տեսանյութում:
