23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
«Ազովստալ»-ից նախկին հրամանատարները բուժզննում են անցնում Թուրքիայում
Քաղաքականություն
26.09.2022 | 18:23
«Ազովստալ»-ից գերությունից ազատված հինգ ուկրաինացի հրամանատարներ բուժզննում են անցնում Թուրքիայում։ Այս մասին Telegram-ի իր ալիքում գրել է Ուկրաինայի նախագահի աշխատակազմի ղեկավար Անդրեյ Երմակը, գրում է DW-ի ռուսական ծառայությունը։
Նրա խոսքով՝ շուտով նրանք կկարողանան տեսակցել իրենց հարազատներին։ Երմակի տեղեկացմամբ՝ Պետական գույքի հիմնադրամի ղեկավար Ռուստեմ Ումերովը Ուկրաինայի նախագահ Վլադիմիր Զելենսկիի անունից մեկնել է Թուրքիա՝ ստուգելու, թե ինչ պայմաններում են ապրում ազատ արձակված գերիները։ Նա նշել է, որ նրանց գտնվելու պայմանները հարմարավետ է։
Հիշեցնենք, որ սեպտեմբերի 22-ի գիշերն ուկրաինական իշխանությունները հայտարարել են Ռուսաստանի լայնածավալ ներխուժման սկզբից ի վեր գերիների ամենամեծ փոխանակման մասին։ Կիևին հաջողվել է վերադարձնել ուկրաինացի 215 զինվորականի, այդ թվում՝ «Ազովստալ»-ի ավելի քան 100 պաշտպանի։
Ուկրաինայի նախագահ Վլադիրմիր Զելենսկիի խոսքով՝ 200 գերու վերադարձի դիմաց Ռուսաստանը ստացել է քաղաքական գործիչ Վիկտոր Մեդվեդչուկին, որին Կիևը մեղադրում է պետական դավաճանության մեջ։ Մարիուպոլի պաշտպաններից հինգ բարձրաստիճան սպաներ փոխանակվել են 55 ռուս ռազմագերիների հետ։
Տաթև Ֆռանգյան
