25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Իժևսկի դպրոցում կրակոցները 13 մարդու կյանք են խլել, որից 7-ը՝ երեխաներ
Քաղաքականություն
26.09.2022 | 13:53
ՌԴ Իժևսկ քաղաքի թիվ 88 դպրոցում հրաձգության հետևանքով, վերջին տվյալներով, 13 մարդ է զոհվել, որից 6-ը՝ երեխա։ Միաժամանակ, 14 երեխա և 7 մեծահասակ վիրավոր է։ Այս մասին հայտնել է ՌԴ Քննչական կոմիտեն, փոխանցում է BBC-ի ռուսական ծառայությունը։
Ոստիկանությունից հայտնել են, որ հրաձիգն ինքնասպան է եղել։
«Ոստիկանները հայտնաբերել են կրակ բացած տղամարդու դին։ Ըստ տեղեկությունների՝ նա ինքնասպանություն է գործել»,- հայտնել են ՆԳՆ մամուլի ծառայությունից։
Դպրոցում հրաձգության մասին հաղորդագրություններ են հայտնվել երկուշաբթի առավոտյան ռուսական Telegram ալիքներում։ Ռուսական լրատվամիջոցների փոխանցմամբ՝ կրակոցները հնչել են դասի ժամին․ սև կոստյումով անհայտ տղամարդը ներխուժել է դասարաններից մեկն ու կրակ բացել։
Դեպքի վայր ժամանած Ուդմուրտիայի ղեկավար Ալեքսանդր Բրեչալովը հայտնել է, որ կրակոցների հետևանքով անվտանգության աշխատակից է զոհվել, երեխաների շրջանում կան տուժածներ։
Բրեչալովի տեղեկացմամբ՝ ուսումնական հաստատությունն ամբողջությամբ տարհանվել է։
«Ամբողջ պարագիծը շրջափակված է, ԱԴԾ-ն, Ռոսգվարդիան և քննչական մարմիններն աշխատում են հաստատությունում»,- ասել է նա։
Տաթև Ֆռանգյան
