13.12.2024 | 13:24
ԱՄՆ-ն Ուկրաինային 500 մլն դոլարի ռազմական օգնություն կտրամադրի
Հրաձգություն Իժևսկի դպրոցում. նախնական տվյալներով 5 վիրավոր կա
Քաղաքականություն
26.09.2022 | 12:36
Իժևսկի թիվ 88 դպրոցում հրաձգություն է տեղի ունեցել։ Չհաստատված տեղեկությունների համաձայն՝ հինգ վիրավոր կա։ Դպրոցականներն ու ուսուցիչները շտապ տարհանվել են, փոխանցում է BBC-ի ռուսական ծառայությունը։
«Այսօր ոստիկանությունը հաղորդում է ստացել Իժևսկի 88-րդ դպրոցում կրակոցների մասին, դեպքի վայր են մեկնել ոստիկանները, միջոցներ են ձեռնարկվում կասկածյալին բերման ենթարկելու ուղղությամբ, զոհերի մասին տեղեկությունը ճշտվում է»,- հայտնել են ՌԴ ՆԳՆ-ից։
Ռուսական ԶԼՄ-ների տվյալներով՝ կրակոցները հնչել են հենց դասի ժամանակ․ սև կոստյումով դեռևս անձը չպարզված տղամարդը ներխուժել է դասարան ու կրակ բացել։ Ուդմուրտիայի ղեկավար Ալեքսանդր Բրեչալովը հայտնել է, որ ժամանել է դեպքի վայր։ Ավելի ուշ մարզի ղեկավարը հայտնել է, որ ինքնությունը չպարզված անձը ներխուժել է դպրոց, սպանել անվտանգության աշխատակցին, աշակերտների շարքում կան զոհեր և վիրավորներ։ Ըստ նախնական տեղեկությունների՝ հարձակվողն ինքնասպան է եղել։
Տաթև Ֆռանգյան
