09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
Եվրոպան պետք է ընդունի երկրից փախչող ռուսաստանցիներին. Շառլ Միշել
Քաղաքականություն
24.09.2022 | 18:16
Եվրոպան պետք է ընդունի Ռուսաստանի քաղաքացիներին, որոնք փորձում են լքել երկիրը, հայտարարել է Եվրոպական խորհրդի նախագահ Շառլ Միշելը՝ Նյու Յորքում դիմելով ՄԱԿ-ի Գլխավոր ասամբլեային:
Politico պարբերականին տված հարցազրույցում Միշելն ասել է, որ Եվրամիությունը պետք է բաց լինի նրանց նկատմամբ, ովքեր չեն ցանկանում Կրեմլի գործիքը լինել:
BBC-ի ռուսական ծառայության փոխանցմամբ՝ ՄԱԿ-ում իր ելույթում Եվրոպական խորհրդի նախագահը հայտարարել է, որ Ռուսաստանը հակամարտության շուրջ «ստի ցանց» է կառուցել. «Սա հիբրիդային պատերազմ է, այն համատեղում է զենքի ուժը խաբեության թույնի հետ»:
Միշելը նաև կոչ է արել բարեփոխել ՄԱԿ-ի Անվտանգության խորհուրդը։
«Վետոյի իրավունքի օգտագործումը պետք է բացառություն լինի, բայց այն կանոն է դառնում»,- ասել է նա:
«Երբ Անվտանգության խորհրդի մշտական անդամը սանձազերծում է չարդարացված պատերազմ, որը դատապարտում է ՄԱԿ-ի Գլխավոր ասամբլեան, նրա հեռացումն Անվտանգության խորհրդից պետք է ինքնաբերաբար լինի»,- հավելել է Միշելը:
