06.09.2026 | 17:20
Արարատ Միրզոյանը Ռիգայում կհանդիպի Լատվիայի ԱԳ նախարարին
Պատերազմը բացահայտել է մեր հասարակության հիմնական արատները, այդ թվում՝ իրար և թշնամուն չճանաչելը․ ապաքաղաքական զրույց Ռուբեն Բաբայանի հետ. ՏԵՍԱՆՅՈՒԹ
Հաղորդաշարեր
24.09.2022 | 21:02
Factor TV-ի A-politic հաղորդաշարի հյուրն է ռեժիսոր Ռուբեն Բաբայանը: Նրա կարծիքով՝ «միասնականություն» հաճախ օգտագործվող բառը շփոթեցնող է: Առավել արդյունավետ է «հավաքականություն» հասկացությունը: Եվ հենց այդ բառն է օգտագործում Եղիշե Չարենցը՝ խոսելով հայ ժողովրդի հավաքական ուժի մասին:
Ռեժիսորը բերում է ձեռքի օրինակը, որի՝ իրարից տարբեր մատների հավաքականությամբ է միայն հնարավոր բռունցք սարքել:
Անմիաբանության հիմնական պատճառներից մեկը, ըստ հաղորդման հյուրի, այն է, որ մարդիկ ցանկություն չունեն իրար լսելու, իրար հասկանալու: Նրանք հակված են վանել և մերժել միմյանց՝ չխորանալով այն հարցի մեջ, թե ի՞նչ է դիմացինն իրականում մտածում կամ զգում: Այժմ ընդունված է «օրակարգ» բառը, որը, ըստ էության, ենթադրում է հասարակության բաժանում տարբեր ճամբարների՝ կախված նրանից, թե «որ օրակարգն է սպասարկում» տվյալ անձը:
Ռուբեն Բաբայանը դժվարանում է նշել, թե որ ժողովրդի միասնական լինելը մենք կարող ենք ընդունել որպես օրինակ: Ըստ ռեժիսորի՝ բոլոր ազգերն էլ բողոքում են իրենց անմիաբանությունից և վկայակոչում են այլ ազգերի՝ որպես, իրենց կարծիքով, համախմբման օրինակ: Սակայն հաղորդման հյուրը համոզված է, որ գոյություն ունի ազգի հավաքական ջանքերի տեսանելի մարմնավորում՝ պետականություն: Եթե հաջողվում է ստեղծել ամուր պետականություն, ուրեմն ժողովուրդը կարողացել է հասնել միասնականության որոշակի հանգրվանի:
Մանրամասները՝ տեսանյութում:
