27.07.2026 | 20:09
Հայ շախմատիստները մրցաշարի են մասնակցում Ղազախստանում
Չավուշօղլուն հայտարարել է, որ Անկարան չի հանդուրժի սահմանափակումները ԱՄՆ-ից F-16-ի մատակարարումների հարցում
Քաղաքականություն
23.09.2022 | 21:53
Անկարան հանդես է գալիս ՄԱԿ-ի Անվտանգության խորհրդի համակարգում «վետոյի» իրավունքի վերացման օգտին։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ Նյու Յորքում պատասխանելով լրագրողների հարցերին, գրում է Անադոլու գործակալությունը։
Նա նշել է, որ ՄԱԿ-ի անդամ երկրների մեծ մասը համաձայն է համաշխարհային կազմակերպության բարեփոխման գաղափարին։ Ըստ Չավուշօղլուի ՝ավելի շատ քաղաքական գործիչներ են հայտարարում, որ «աշխարհը ավելին է քան ՄԱԿ-ի 5 մշտական անդամները։ «Վետոյի» իրավունքի փոխարինումը, նրա կարծիքով՝ կարող է լինել «ձայների մեծամասնությամբ» որոշումների ընդունումը։
Չավուշօղլուն նաև մեկնաբանել է ԱՄՆ-ից զենքի մատակարարումների թեման և թուրքական օդուժին սպասարկող F-16 կործանիչների արդիականացումը։
«Անկարան չի կարող համաձայնության գալ ԱՄՆ-ից F-16-ի մատակարարման հարցում, որոնք կսահմանափակեին մեր երկրի գործողությունները։ Ցուցումները, թե ինչպես մենք պետք է օգտագործենք այդ ինքնաթիռները՝ անընդունելի են»,-ասել է Չավուշօղլուն՝ հիշեցնելով, որ ԱՄՆ նախագահի աշխատակազմը աջակցում է կործանիչների մատակարարմանը։
Էմմա Չոբանյան
