01.11.2024 | 23:19
Հրդեհ Գյումրու տներից մեկում
ՏԿԵ նախարարի տեղակալը Թբիլիսիում քննարկել է էներգետիկայի բնագավառում համագործակցության հարցեր
Տնտեսություն
22.09.2022 | 12:57
ՀՀ տարածքային կառավարման և ենթակառուցվածքների նախարարի տեղակալ Հակոբ Վարդանյանը Վրաստանի էկոնոմիկայի և կայուն զարգացման նախարարի տեղակալ Ռոմեո Միկաուտաձեի հրավերով սեպտեմբերի 7-9-ը այցելել է Թբիլիսի՝ երկու երկրների միջև էներգետիկայի բնագավառում համագործակցության ընթացիկ հարցերը քննարկելու նպատակով․ տեղեկացնում են ՏԿԵ նախարարությունից։
«Մասնավորապես՝ Հայաստանի Հանրապետության և Վրաստանի միջև վթարային իրավիճակներում էլեկտրաէներգիայի մատակարարման և էլեկտրաէներգիայի մատակարարման շեղումների կարգավորումների վերաբերյալ պայմանագրերի նախագծերը վերջնականացնելու և ստորագրելու նպատակով։
Նախարարի տեղակալ Հ. Վարդանյանը հանդիպումներ է ունեցել Վրաստանի էկոնոմիկայի և կայուն զարգացման նախարարի տեղակալ Ռ. Միկաուտաձեի, ինչպես նաև Վրաստանի էներգետիկ համակարգի մի շարք ընկերությունների ղեկավարների հետ։
Այցի շրջանակներում ստորագրվել է Հայաստանի և Վրաստանի միջև վթարային իրավիճակներում էլեկտրաէներգիայի մատակարարման և էլեկտրաէներգիայի մատակարարման շեղումների կարգավորումների վերաբերյալ պայմանագիրը»,- ասված է հաղորդագրությունում։
