18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ֆինանսական աջակցություն՝ «Սուրմալու»-ում պայթյունից տուժած անձանց և զոհերի ընտանիքներին
Քաղաքականություն
21.09.2022 | 21:31
ՀՀ Կառավարությունը դրամական աջակցություն կտրամադրի 2022 թվականի օգոստոսի 14-ին «Երևանի պահածոների գործարան» ՓԲԸ-ում՝ «Սուրմալու» առևտրի կենտրոնում տեղի ունեցած պայթյունի հետևանքով զոհվածների ընտանիքներին և վիրավորում ստացած անձանց։
Հիվանդանոցային պայմաններում մինչև երեք օր բուժման մեջ գտնված անձանց կհատկացվի 150.000 դրամ, երեք և ավելի օր բուժման մեջ գտնված անձանց՝ 300.000 դրամ, իսկ զոհվածների (այդ թվում՝ գտնվելու վայրն անհայտ անձի) ընտանիքներին՝ 3 մլն դրամ։
Որոշման նախագիծն ընդգրկված է Կառավարության վաղվա նիստի օրակարգում։ Նախագծի ընդունման դեպքում շահառուներ կլինեն 24 վիրավորում ստացած անձինք և 17 զոհված անձանց (այդ թվում՝ գտնվելու վայրը անհայտ 1 անձի) ընտանիքները, ընդհանուր առմամբ՝ 41 շահառու։
ՀՀ պետական բյուջեից կպահանջվի 55 մլն 650 հազար դրամ։
Նշենք, որ դժբախտ պատահարից մեկ ամսից ավելի է անցել, իսկ պայթյունի պատճառներն ու մեղավորները դեռևս հայտնի չեն։
