18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ալիևը կրկին սպառնացել է Հայաստանին և հայտարարել՝ որևէ հայտարարություն չի կարող կանգնեցնել Բաքվին
Քաղաքականություն
21.09.2022 | 20:40
Ադրբեջանի նախագահ Իլհամ Ալիևն այսօր հերթական սպառնալիքներն է հնչեցրել Լաչին այցի ընթացքում։ Նա նշել է, որ, իբր, Հայաստանը խաղաղության չի ձգտում, այլ ապրում է ռևանշիստական մտքերով։
Նա, մասնավորապես, ասել է, թե ադրբեջանական Զինված ուժերն ագրեսիա չեն իրականացրել ու չեն մտել ՀՀ տարածք։
«Առանց դելիմիտացիայի ոչ ոք չի կարող մեզ մեղադրել պետական սահմանի խախտման մեջ»,- հայտարարել է Ալիևը։
Նա նշել է, թե, իբր, որևէ հայտարարություն, որևէ զանգ չի կարող Բաքվին կանգնեցնել, քանի որ «ադրբեջանցի զինվորները գտնվում են իրենց հողում»։
«Մենք առաջարկել ենք սկսել սահմանազատման գործընթացը, (Հայաստանը) այն ձգձգել է ավելի քան մեկ տարի։ Հիմա այդ գործընթացը թեև սկսվել է, բայց զուտ ֆորմալ բնույթ է կրում, բովանդակային բանակցություններ չեն ընթանում, քարտեզների շուրջ քննարկումներ չեն ընթանում»,- ասել է Ալիևը։
Նա պնդել է, թե Ադրբեջանը պատրաստել է Հայաստանի հետ սահմանի սահմանազատման համար անհրաժեշտ բոլոր քարտեզները, որոնց համաձայն պետք է իրականացվի այդ աշխատանքը։
«Մենք պատրաստել ենք բոլոր քարտեզները։ Այդ քարտեզների հիման վրա պետք է իրականացվեն և՛ 20-րդ դարի, և՛ նախորդ շրջանի քարտեզները, և՛ սահմանազատման աշխատանքները»,- հայտարարել է Ադրբեջանի նախագահը։
Էմմա Չոբանյան
