09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Հայաստանի անկախությունը՝ սպառնալիքի տակ․ ինչպե՞ս դիմագրավել վտանգներին․ ՏԵՍԱՆՅՈՒԹ
Քաղաքականություն
21.09.2022 | 21:02
Հայաստանի Երրորդ հանրապետությունն ապրում է, թերևս, ամենաբարդ և ճգնաժամային օրերը՝ այս 31 տարիների ընթացքում։ 44-օրյա պատերազմում հաղթանակից հետո Ադրբեջանի ղեկավարությունը ոչ թե խաղաղությանն ուղղված իրական քայլեր է կատարում, այլ մեկը մյուսին հաջորդող ռազմական սադրանքներ՝ բերելով զոհեր և կորուստներ երկու ժողովուրդներին։ Ալիևի ռեժիմը խախտում է միջազգային իրավունքը՝ սպառնալով զենքի ուժով, սպառնալով Հայաստանի ինքնիշխանությանը և նվաճելով ՀՀ սուվերեն տարածքներ։
Այս պայմաններում բացառիկ մոբիլիզացիա և համախմբում է անհրաժեշտ Հայաստանի քաղաքացիներին, քաղաքական ուժերին՝ անկախ տարաձայնություններից, որ պահպանվի պետականությունը։ Անկախությունը ժողովուրդների անվտանգությունն ապահովելու ամենաբարձր մոդելն է, որին հասնում են հազարավոր ժողովուրդներից քչերը։ Այն պահպանել կարողանում են քչերը։
Ինչպիսի՞ ձեռքբերումներ է ունեցել Հայաստանը՝ որպես անկախ պետություն։ Որո՞նք են իրական սպառնալիքները Հայաստանի անկախությանն ուղղված և ի՞նչ է պահանջվում ՀՀ քաղաքացիներից, քաղաքական ուժերից։
Factor TV-ի տաղավարում հրավիրված քննարկմանը մասնակցում են Ժողովրդավարական հարթակ հիմնադրամի տնօրեն Գարեգին Միսկարյանը, ազգագրագետ Հրանուշ Խառատյանը, իրավապաշտպան Ժաննա Ալեքսանյանը, ռեժիսոր Ռուբեն Բաբայանը և մշակութային մարդաբան Աղասի Թադևոսյանը։
