07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Ֆրանկ Փալոնեն և Նենսի Փելոսին քննարկել են ՄԻԵԴ-ում և ՄԱԿ-ի միջազգային դատարանում ՀՀ քայլերը
Քաղաքականություն
21.09.2022 | 16:23
ԱՄՆ Կոնգրեսի հայկական հարցերով հանձնաժողովի համանախագահ Ֆրանկ Փալոնեն Twitter-ում գրառմամբ տեղեկացրել է, որ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի, Միջազգային իրավական հարցերով ՀՀ ներկայացուցիչ Եղիշե Կիրակոսյանի ու Կոնգրեսի այլ անդամների հետ քննարկել է Ադրբեջանի ագրեսիան ընդդեմ Հայաստանի։
«Մենք քննարկել են մարդու իրավունքների սարսափելի ոտնահարումները Ադրբեջանի կողմից, և ՄԱԿ-ի միջազգային դատարանում ու Մարդու իրավունքների եվրոպական դատարանում ՀՀ ջանքերը»,- գրել է ամերիկացի կոնգրեսականը։
Met with Yeghisheh Kirakosyan, Speaker Pelosi, and other Members of the Armenian Caucus today. We discussed Azerbaijan's horrific human rights abuses and Armenia's efforts in the @CIJ_ICJ and @ECHR_CEDH. pic.twitter.com/DlcYLBXwsS
— Rep. Frank Pallone (@FrankPallone) September 21, 2022
Հայաստանի Հանրապետության ներկայացուցիչ Եղիշե Կիրակոսյանը մանրամասներ է հայտնել հանդիպումից։
Սեպտեմբերի 20-ին աշխատանքային այցով Վաշինգտոնում գտնվող Միջազգային իրավական հարցերով Հայաստանի Հանրապետության ներկայացուցիչ Եղիշե Կիրակոսյանը ԱՄՆ կոնգրեսում հանդիպում է ունեցել ԱՄՆ ներկայացուցիչների պալատի խոսնակ Նենսի Փելոսիի, հայկական հարցերով հանձնախմբի համանախագահ Ֆրենկ Փըլոունի և հանձնախմբի այլ անդամների հետ։
Եղիշե Կիրակոսյանը հանդիպման մասնակիցներին է ներկայացրել սեպտեմբերի 13-ին Ադրբեջանի կողմից ՀՀ ինքնիշխան տարածքի նկատամամբ լայնածավալ ռազմական ագրեսիայի հետևանքով ստեղծված իրադրությունը: Խոսվել է նաև 2020թ․ սեպտեմբերի 27-ին Ադրբեջանի կողմից սանձազերծած ագրեսիայի ընթացքում ադրբեջանական զինծառայողների կողմից կատաված պատերազմական հանցագործությունների, խաղաղ բնակչությանը թիրախավորելու և հայ ռազմագերիների՝ ապօրինաբար Ադրբեջանում պահվելու մասին:
Եղիշե Կիրակոսյանը ԱՄՆ կոնգրեսականներին է ներկայացրել նաև Ադրբեջանում տիրող համակարգային բնույթ կրող հակահայկական ատելության և ռասայական խտրականության մթնոլորտի մասին, ինչպես նաև հայտնել է սեպտեմբերի 13-ին Ադրբեջանի կողմից Հայաստանի ինքնիշխան տարածքի վրա իրականացված լայնածավալ ռազմական հարձակման հետևանքով Արդարադատության միջազգային դատարանի և Մարդու իրավունքների եվրոպական դատարանի կողմից միջանկյալ միջոցներ կիրառելու մասին որոշումների շարունակական խախտումների, այդ թվում Ադրբեջանի զինծառայողների կողմից կատարված պատերզամական հանցագործությունների, Ադրբեջանի տիրապետության ներքո հայտնված հայ զինծառայողների նկատմամբ վերաբերմունքի, խոշտանգումների և սպանված անձանց մարմինների խեղումների բազում այլ պատերազմական հանցագործությունների մասին։
Եղիշե Կիրակոսյանը շնորհակալություն է հայտնել Ներկայացուցիչների պալատի խոսնակ Նենսի Փելոսին և կոնգրեսականներին Հայաստանին ու Արցախին շարունակաբար ցուցաբերված աջակցության համար։
Տաթև Ֆռանգյան
