09.10.2026 | 12:35
Լուկաշենկոն հույս ունի, որ Հայաստանը 2029 թվականին կստանձնի ԱՊՀ նախագահությունը
ԵԱՀԿ ղեկավարները դատապարտում են Ուկրաինայի օկուպացված տարածքներում անօրինական «հանրաքվեի» անցկացման ծրագիրը
Քաղաքականություն
21.09.2022 | 22:35
ԵԱՀԿ գործող նախագահ, Լեհաստանի արտաքին գործերի նախարար Զբիգնև Ռաուն, ԵԱՀԿ գլխավոր քարտուղար Հելգա Մարիա Շմիդտը, ԵԱՀԿ Խորհրդարանական վեհաժողովի նախագահ Մարգարետա Սեդերֆելտը և ԵԱՀԿ Ժողովրդավարական հաստատությունների և մարդու իրավունքների գրասենյակի տնօրեն Մատեո Մեքաչին դատապարտել են Ուկրաինայի օկուպացված տարածքներում «հանրաքվե» անցկացնելու վերաբերյալ տեղեկությունները։
ԵԱՀԿ պաշտոնական կայքում հրապարակված հաղորդագրությունում տեղեկացվում է, որ Ուկրաինայի տարածքում ցանկացած ընտրություն կամ հանրաքվե կարող է հայտարարվել և անցկացվել միայն օրինական իշխանությունների կողմից՝ ազգային օրենսդրության և միջազգային չափանիշներին համապատասխան, ուստի, նախատեսվող «հանրաքվեն» անօրինական է լինելու։
«Քանի դեռ Ռուսաստանի Դաշնության կողմից Ուկրաինա ներխուժելուց հետո պատերազմը շարունակվում է, ցանկացած, այսպես կոչված, «հանրաքվե», որը պլանավորվում է Ուկրաինայի օկուպացված տարածքներում ապօրինի դե ֆակտո վերահսկողություն իրականացնող ուժերի կողմից կամ աջակցությամբ, հակասում է միջազգային չափանիշներին և միջազգային պարտավորություններին, մարդասիրական իրավունքին, և դրանց արդյունքը, հետևաբար, իրավական որևէ ուժ չի ունենա»,- ասված է ԵԱՀԿ տարածած հայտարարության մեջ:
Տաթև Ֆռանգյան
