16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բայրամովը հայտարարել է, թե «չնայած ռազմական բախումներին՝ Բաքուն պատրաստ է Հայաստանի հետ խաղաղության պայմանագրի գործընթացի մեկնարկին»
Քաղաքականություն
21.09.2022 | 14:21
Ադրբեջանի ԱԳ նախարար Ջեյհուն Բայրամովը ՄԱԿ-ի Գլխավոր վեհաժողովի 77-րդ նստաշրջանի շրջանակում հանդիպել է ԵԱՀԿ գլխավոր քարտուղար Հելգա Շմիդտի հետ, գրում են ադրբեջանական լրատվամիջոցները։
Նշվում է, որ հանդիպման ընթացքում Բայրամովը նշել է, որ «Բաքուն հանդես է գալիս խաղաղության պայմանագրի կնքման գործընթացի մեկնարկի օգտին՝ չնայած վերջին ռազմական բախումներին և ադրբեջանական կողմի կորուստներին»։
Բայրամովը նաև ասել է, թե Բաքուն մեծ նշանակություն է տալիս ԵԱՀԿ-ի հետ համագործակցությանը։ Նա նշել է, որ, իբր, Հայաստանը ԵԱՀԿ-ի շրջանակում ապակառուցական քայլեր է իրականացնում։
Շմիդտն իր հերթին մտահոգություն է հայտնել սահմանին վերջին բախումների կապակցությամբ և ցավակցություն հայտնել կորուստների հետ կապված: ԵԱՀԿ գլխավոր քարտուղարը նշել է, որ ԵԱՀԿ-ն պատրաստ է աջակցել հարաբերությունների կարգավորման գործընթացին՝ հաշվի առնելով տարածաշրջանում կազմակերպության երկար տարիների փորձը:
Էմմա Չոբանյան
