13.04.2026 | 23:32
Հոսանքազրկումներ՝ Երևանում և մարզերում
ՊՆ խոսնակը` Ջերմուկի ուղղությամբ շրջափակման մեջ հայտնված թշնամու զորքի մասին․ ՏԵՍԱՆՅՈՒԹ
Տեսանյութեր
21.09.2022 | 09:34
Այսօր՝ սեպտեմբերի 21-ին, «Եռաբլուր» պանթեոնում լրագրողների հետ զրույցում ՊՆ խոսնակ Արամ Թորոսյանն անդրադառնալով դիրքային հնարավոր կորուստների վերաբերյալ հարցին, նշեց․«Բոլոր տեսակի ճշգրտման աշխատանքներ են իրականացվում՝ և՛ նյութական, և՛ այլ: Կորուստների ճշգրտման աշխատաբնքներ են իրականացվում, այդ աշխատանքների լիարժեք ավարտին ՊՆ-ն ամփոփ տեղեկատվություն կտրամադրի»:
Հարցին, թե հաջողվե՞լ է ադրբեջանական խմբերին հեռացնել Ջերմուկի ուղղությամբ հայկական տարածքներից, թե՞ ինչպես ԳՇ պետն ասաց՝ սպասում եք, որ պաշարները վերջանան և ինքնուրույն հետ գնան, ՊՆ խոսնակը պատասխանեց. «ԳՇ պետի կողմից իրավիճակը ներկայացնելուց հետո իրավիճակի որևէ փոփոխություն տեղի չի ունեցել»:
Հիշեցնենք, որ օրեր առաջ ԶՈՒ գլխավոր շտաբի պետ Էդվարդ Ասրյանը հայտարարել էր, որ Ջերմուկի ուղղությամբ ադրբեջանական մի ջոկատ, մոտ 10-12 հոգանոց, շրջափակման մեջ է և եթե սնունդ ու այլ ռեսուրսներ չստանա, հետ կքաշվի և կմիանա իրենց մյուս ուժերին:
Մանրամասները՝ տեսանյութում։
